Virat Kohli: अरे मी आकड्यासाठी खेळणारा वाटतो का? सचिन तेंडुलकरांसोबत तुलना होताच विराटची तिखट प्रतिक्रिया, काय म्हणाला?

Virat Kohli Records: भारत आणि वेस्ट इंडिज यांच्यात वनडे मालिका सुरु असून पहिला सामना भारतीय संघाने जिंकला. आणखी दोन सामने शिल्लक आहेत. त्यानंतर समजेल की भारतीय संघ मालिका जिंकेल की नाही. पहिल्या सामन्यात विराट कोहलीने दमदार शतक झळकावले. आता यानंतर विराट कोहलीने एका मुलाखतीत बऱ्यात गोष्टींवर भाष्य केले आहे.

रविवार, २७ सप्टेंबर रोजी, तिरुवनंतपुरम येथे वेस्ट इंडिजविरुद्धच्या एकदिवसीय सामन्यात नाबाद १३९ धावांची खेळी करताना कोहलीने आपले ५५ वे एकदिवसीय शतक पूर्ण केले. या खेळीदरम्यान त्याने एकदिवसीय क्रिकेटमध्ये १५,००० धावांचा टप्पाही ओलांडला. सचिन तेंडुलकरनंतर हा टप्पा गाठणारा तो दुसरा फलंदाज आहे.

BCCI.tv ला दिलेल्या मुलाखतीत विराट कोहली म्हणाला, “जर तुम्ही आकडेवारीच्या दृष्टिकोनातून पाहिले तर हा एक मोठा आकडा आहे. पण ध्येय सोपे आहे, वेगवेगळ्या परिस्थितीत संघाला विजयाकडे नेण्याचा प्रयत्न करणे. गेल्या अनेक वर्षांपासून मी हेच करण्याचा प्रयत्न करत आहे. आंतरराष्ट्रीय क्रिकेटमध्ये दीर्घकाळ टिकून राहण्यासाठी केवळ वैयक्तिक कामगिरीचे ध्येय ठेवणे हा योग्य मार्ग नाही. तुम्ही केवळ आकड्यांसाठी इतका काळ खेळू शकत नाही. जर तुम्हाला आकडे गाठायचे असतील, तर तुम्ही मुख्य ध्येयाशी तडजोड कराल आणि तुम्ही अशा प्रकारे जास्त काळ खेळू शकत नाही. १५,००० एकदिवसीय धावांसारखा टप्पा गाठणे विशेष आहे, परंतु त्यामुळे संघाला आणखी एक विजय मिळतो, ज्यामुळे आनंद अधिकच वाढतो.”

शुभमन गिलसोबत फलंदाजी करण्याबद्दल विराट कोहली म्हणाला की, क्रीजवर दोघांमध्ये जास्त चर्चा करण्याची गरज नसते. शुभमनला त्याचा खेळ आणि जबाबदाऱ्या चांगल्या प्रकारे समजतो. कधीकधी मी माझ्या  अनुभवाच्या आधारावर शुभमनला शॉट निवड किंवा खेळपट्टीच्या परिस्थितीबद्दल सूचना देतो, परंतु दोघांमधील बहुतेक संभाषण क्षेत्ररक्षणादरम्यान होते.” आता पुढील दोन सामन्यात दोन वेळा कोहलीकडे शतकी खेळी करण्याची संधी आहे. दोन्ही सामन्यात तो शतकी खेळी खेळून चाहत्यांचे मनोरंजन करतो का हे पाहणं आता महत्त्वाचे ठरणार आहे.