FIFA World Cup 2026 Final Date, Time in India: अर्जेंटीनाविरुद्ध स्पेन फुटबॉल वर्ल्ड कप फायनलचा थरार, भारतात Live मॅच कुठे, किती वाजता पाहता येणार?

फिफा विश्वचषक 2026 अंतिम सामन्यातील चुरशीची लढत पाहण्यासाठी आता चाहते उत्सुक आहेत. विजेतेपदासाठी कोणते दोन संघ लढतील हे निश्चित झाले आहे. गेल्या महिन्यापासून 48 संघांसह सुरू झालेल्या या सर्वात मोठ्या फिफा विश्वचषकाच्या अंतिम फेरीत स्पेन आणि अर्जेंटिना पोहोचले आहेत. स्पेन 10 वर्षांनंतर फिफा विश्वचषकाच्या अंतिम सामन्यात खेळणार आहे, तर अर्जेंटिनासाठी ही त्यांची सलग दुसरी उपस्थिती असेल. अर्जेंटिनाने केवळ 2022 च्या फिफा विश्वचषकाच्या अंतिम सामन्यात भागच घेतला नाही, तर तो जिंकून चॅम्पियनही बनले होते. स्पेनने उपांत्य फेरीत फ्रान्सला हरवून 16 वर्षांनंतर फिफा विश्वचषकाच्या अंतिम सामन्यात प्रवेश केला आहे. त्यांनी शेवटचा फिफा विश्वचषकाचा अंतिम सामना 2010 मध्ये खेळला होता आणि जिंकला होता. अर्जेंटिनाने इंग्लंडला हरवून अंतिम फेरीत प्रवेश केला. स्पेनसाठी लॅमिन यामाल हा त्यांचा स्टार खेळाडू आहे, तर अर्जेंटिनासाठी मेस्सी ही त्यांची सर्वात मोठी ताकद आहे. आता हा फिफा विश्वचषकाचा थरार कुठे पाहता येणार आणि किती वाजता याबद्दलची योग्य माहिती जाणून घ्या…

फिफा विश्वचषक 2026 चा अंतिम सामना 20 जुलै रोजी भारतीय प्रमाणवेळेनुसार रात्री 12:30 वाजता खेळला जाईल.  फिफा विश्वचषक 2026 चा अंतिम सामना न्यूयॉर्कमधील न्यू जर्सी स्टेडियमवर खेळला जाईल.  फिफा विश्वचषक 2026 चा अंतिम सामना भारतात टीव्ही आणि डिजिटल दोन्ही माध्यमांवर पाहता येईल. अंतिम सामन्याचे थेट प्रक्षेपण (लाइव्ह स्ट्रीम) ZEE5 वर केले जाईल, जे भारतातील फिफा विश्वचषक 2026 चे अधिकृत डिजिटल प्रसारक आहे. ZEE5 वर सामना पाहण्यासाठी सबस्क्रिप्शन पॅक आवश्यक आहे. जिओ वापरकर्ते जिओ टीव्ही ॲपवर डीडी स्पोर्ट्स फीड पाहू शकतात. टीव्ही दर्शक डीडी स्पोर्ट्सवर अंतिम सामना पाहू शकतात. याचे प्रसारण युनाईट8 स्पोर्ट्स आणि युनाईट8 स्पोर्ट्स एचडी वर देखील केले जाईल.

अर्जेंटिनाला आपले विजेतेपद राखण्याची आणि सलग दुसऱ्यांदा विश्वविजेते बनण्याची संधी आहे. जर त्यांनी असे केले, तर ते ब्राझिलनंतर असे करणारा दुसरा संघ ठरतील. ब्राझिलने 1958 मध्ये विजेतेपद जिंकल्यानंतर 1962 मध्ये शेवटचे विजेतेपद राखले होते. स्पेनसाठी चॅम्पियन बनण्याची ही दुसरी संधी आहे.