सणासुदीच्या मुहूर्तावर Gionee चा बजेट स्मार्टफोन लाँच, किंमत फक्त 5499 रुपये, जाणून घ्या फिचर्स

दिवाळीनिमित्त तुम्ही एखादा बजेट स्मार्टफोन खरेदी करणार असाल तर Gionee ने तुम्हाला चांगली संधी दिली आहे.

सणासुदीच्या मुहूर्तावर Gionee चा बजेट स्मार्टफोन लाँच, किंमत फक्त 5499 रुपये, जाणून घ्या फिचर्स

मुंबई : दिवाळीनिमित्त तुम्ही एखादा बजेट स्मार्टफोन खरेदी करणार असाल तर Gionee ने तुम्हाला चांगली संधी दिली आहे. जियोनीने भारतात त्यांचा नवीन स्मार्टफोन जियोनी एफ 8 नियो (Gionee F8 Neo) लाँच केला आहे. या बजेट स्मार्टफोनची किंमत फक्त 5499 रुपये इतकी आहे. कंपनीने हा फोन तीन वेगवेगळ्या रंगांमध्ये सादर केला आहे. ब्ल्यू, ब्लॅक आणि रेड या तीन रंगांमध्ये हा फोन उपलब्ध आहे. (Gionee introduced budget smartphone gionee f8 neo on diwali occasion)

या स्मार्टफोमध्ये 5.45 इंचांचा एलसीडी डिस्प्ले देण्यात आला आहे. सोबत 3000 एमएएच क्षमतेची बॅटरी देण्यात आली आहे. तसेच या फोनमध्ये सिंगल रियर कॅमेरा देण्यात आला आहे जो 8 मेगापिक्सलचा आहे, तर 5 मेगापिक्सलचा फ्रंट कॅमेरादेखील (सेल्फी कॅमेरा) आहे. या फोमध्ये ऑक्टाकोर प्रोसेसर आहे. हा फोन 2 जीबी रॅम आणि 32 जीबी इंटर्नल स्टोरेजसह (इंटर्नल मेमरी) लाँच करण्यात आला आहे. याची मेमरी माइक्रो एसडी कार्डद्वारे 256 जीबीपर्यंत वाढवता येईल.

दरम्यान, लाइफस्टाईल आणि स्मार्टफोन ब्रँड जियोनी इंडियाने 7,690 रुपये किमतीचा स्मार्टफोन जियोनी एफ9 प्लस भारतात लॉन्च केला होता. या फोनमध्ये 6.26 इंचांचा एचडी फुल व्ह्यू डिस्प्ले देण्यात आला आहे. डिव्हाईसमध्ये 13 मेगापिक्सलचा सेल्फी कॅमरा देण्यात आला आहे. तर 13 मेगापिक्सल आणि 2 मेगापिक्सलचा डुअल रियर कॅमेरा देण्यात आला आहे. हा स्मार्टफोन ऑक्टा-कोर 1.65 गिगाहर्ट्ज प्रोसेसरद्वारे चालतो. यामध्ये 4050 एमएएच इतक्या क्षमतेची पॉवरफुल्ल बॅटरी देण्यात आली आहे.

संबंधित बातम्या

2GB डेटाच्या ऐवजी 4GB डेटा, Vi डबल डेटा प्लॅनमध्ये 336GB डेटाचा फायदा

iPhone 12 घेताय? थोडं थांबा, कारण डुअल सिम मोडवर 5G चालणार नाही!

…तर तुमचेही WhatsApp चॅट लिक होऊ शकते; त्यापासून बचावासाठी ‘हे’ करा!

वेब व्हॉट्सअॅप वापरकर्त्यांसाठी खुशखबर, लवकरच व्हॉईस आणि व्हिडिओ कॉलची सुविधा मिळणार

Flipkart Big Billion Days Sale: ‘या’ पाच टीव्हींवर जबरदस्त डिस्काऊंट

(Gionee introduced budget smartphone gionee f8 neo on diwali occasion)

कमेंट करा

कमेंट करा

Your email address will not be published. Required fields are marked *