एअरटेलची जबरदस्त रिचार्ज ऑफर, ‘या’ प्लॅनमुळे वर्षभर रिचार्ज करण्याचा ताण होईल कमी, जाणून घ्या प्लॅनची किंमत
एअरटेलने त्यांच्या ग्राहकांसाठी एक जबरदस्त ऑफर लाँच केली आहे. ज्यात तुम्हाला सतत दर महिना रिचार्ज करण्याचा ताण राहणार नाही. कारण एकदा तुम्ही या प्लॅनसह रिचार्ज केल्यानंतर तुम्हाला 365 दिवसांसाठी रिचार्ज-मुक्त मिळेल. चला तर मग आजच्या लेखात आपण एअरटेलच्या या प्लॅनची किंमत आणि त्यातील फायदे जाणून घेऊयात...
एअरटेल टेलिकॉम कंपनी त्यांच्या ग्राहकांसाठी नवनवीन रिचार्ज प्लॅन लाँच करत असते. अशातच तुम्ही जर एअरटेल वापरकर्ते असाल आणि वारंवार दर महिन्याला रिचार्ज करून कंटाळला असाल, तर ही बातमी तुमच्यासाठी आहे. एअरटेल तुम्हाला दोन प्लॅन ऑफर करते जे पूर्ण 365 दिवस किंवा 1 वर्षाची वैधता देतात. याचा अर्थ एअरटेलचे हे दोन वार्षिक प्लॅन तुमच्या संपूर्ण वर्ष भराची रिचार्ज करण्याची चिंता दूर होईल.
एअरटेलच्या या प्लॅनची किंमत किती आहे?
तर आजच्या लेखात आपण एअरटेलच्या 3599 रूपयांचा आणि 3999 रूपयांच्या प्लॅनबद्दल बोलत आहोत. हे प्लॅन 365 दिवसांची वैधता, अमर्यादित डेटा, अमर्यादित कॉलिंग आणि अनेक अतिरिक्त फायदे देतात. यापैकी एका प्लॅनमध्ये हॉटस्टार सबस्क्रिप्शन आणि एआय टूल्सचा समावेश आहे.
एअरटेल 3599 चा प्लॅन: संपूर्ण वर्षासाठी बेसिक अनलिमिटेड फायदे
3599 रुपयांच्या या प्लॅनमध्ये दररोज 2 जीबी हाय-स्पीड डेटा, अमर्यादित लोकल, एसटीडी आणि रोमिंग कॉल आणि 100 एसएमएस मिळतात, ज्याची व्हॅलिडिटी 365 दिवसांची आहे. या प्लॅनचे खास वैशिष्ट्य म्हणजे यात अमर्यादित 5 जी डेटा देते, जो फक्त 5जी नेटवर्क क्षेत्रांमध्ये काम करेल. याव्यतिरिक्त, वापरकर्त्यांना एअरटेल स्पॅम वॉर्निंग सिस्टम, मोफत हेलोट्यून आणि 17,000 रुपयांचे परप्लेक्सिटी प्रो एआय सबस्क्रिप्शन देखील मिळते.
एअरटेल 3999 चा प्लॅन: हॉटस्टार आणि एआय सह पूर्ण मनोरंजन
जर तुम्हाला दररोज थोडा जास्त डेटा हवा असेल आणि तुम्ही OTT चाहते असाल, तर 3999 रूपयांचा प्लॅन हा एक प्रीमियम पर्याय आहे. यात दररोज 2.5 जीबी डेटा, अमर्यादित कॉलिंग, 100 एसएमएस/दिवस आणि हॉटस्टार मोबाईलचे 1 वर्षाचे सबस्क्रिप्शन समाविष्ट आहे. यात 3599 रूपयांच्या प्लॅनची सर्व वैशिष्ट्ये देखील आहेत, ज्यात ५G डेटा, स्पॅम अलर्ट, हॅलोट्यून आणि एआय टूल परप्लेक्सिटी प्रो यांचा समावेश आहे. हा प्लॅन विशेषतः अशा वापरकर्त्यांसाठी योग्य आहे ज्यांना डेटासह डिजिटल कंटेंटचा आनंद घ्यायचा आहे.
कोणता प्लॅन आहे सर्वात बेस्ट?
जर तुम्हाला फक्त आवश्यक कॉल आणि इंटरनेट वापरासाठी प्लॅन हवा असेल, तर 3599 रूपयांचा प्लॅन तुमच्यासाठी चांगला आहे. मात्र जर तुम्ही स्ट्रीमिंग, स्पोर्ट्स आणि डिजिटल टूल्सचा जास्त वापर करत असाल, तर 3999 रूपयांचा प्लॅन अधिक वॅल्यू देईल. दोन्ही प्लॅन एक वर्षाचा नो-रिचार्ज फीचर देतात, ज्यामुळे केवळ पैसे वाचतीलच असे नाही तर वारंवार रिचार्ज करण्याचा त्रासही दूर होईल.
