चिनी स्मार्टफोन निर्माती कंपनी आयकूने (iQOO) भारतीय ग्राहकांसाठी फ्लॅगशिप फीचर्ससह आयकू 9टी (iQOO 9T 5G) हा स्मार्टफोन लाँच केला आहे. या फोनचे वैशिष्ट्य सांगायचे म्हणजे या नव्या फोनमध्ये क्वालकॉम ब्रँडचा एक तगडा प्रोसेसर (processor) दिला आहे. त्यासोबतच 120 वॉट फास्ट चार्ज सपोर्ट आणि ई5 एमोलेड डिस्प्ले यासारखे अनेक उत्तम फीचर्स (many feature) पहायला मिळतील. कंपनीचा असा दावा आहे की, अवघ्या 20 मिनिटांत ह्या फोनची बॅटरी 100 टक्के (100% charging in 20 minutes) चार्ज होऊ शकते. आयकूच्या या नव्या, ‘आयकू 9टी’ स्मार्टफोनची भारतात किंमत किती, त्याचे फीचर्स काय आहेत आणि तो विक्रीसाठी बाजारात कधी उपलब्ध होईल, याची माहिती जाणून घेऊया.
डिस्प्ले आणि सॉफ्टवेअर : या आयकू स्मार्टफोनमध्ये 6.7 इंचांचा फुल-एचडी प्लस ई5 एमोलेड (1080 x 2400 पिक्सल) डिस्प्ले आहे. जो 120 हर्ट्ज रिफ्रेश रेट आणि 1500 निट्स पीक ब्राइनटेस ऑफर करतो. हा फोन एचडीआर10प्लस सपोर्ट ऑफर करतो. हा फोन ॲंड्रॉइड 12 वर आधारित फनटच ओएस 12 नुसार काम करतो.
कॅमेरा : आयकू 9टी या स्मार्टफोनच्या बॅक पॅनेलवर ट्रिपल रेअर कॅमेरा सेटअप आहे. त्यामध्ये 50 मेगापिक्सेल ISOCELL GN5 प्रायमरी कॅमेरा, त्यासोबत 13 मेगापिक्सेल अल्ट्रा-वाइड लेन्स आणि 12 मेगापिक्सेल पोर्ट्रेट कॅमेरा सेन्सर देण्यात आला आहे. सेल्फीसाठी फोनच्या पुढल्या पॅनेलवर 16 मेगापिक्सेलचा फ्रंट कॅमेरा सेन्सर आहे.
प्रोसेसर : स्पीड आणि मल्टीटास्किंग यासाठी फोनमध्ये क्वालकॉम स्नॅपड्रॅगन 8 प्लस जनरेश 1 चिपसेटचा वापर करण्यात आला आहे. त्याशिवाय या फोनमध्ये तुम्हाला लिक्विड कूलिंग टेक्नॉलॉजी वापरलेली दिसेल. ही टेक्नॉलॉजी, गेम खेळताना फोनमध्ये निर्माण होणारी उष्णता कमी करण्याचे काम करते.
बॅटरी : 120 वॉट फ्लॅशचार्ज सपोर्टसह 4700 एमएएचची बॅटरी फोनमध्ये वापरण्यात आली आहे. याबाबत आयकू कंपनीकडून असा दावा करण्यात आला आहे की सुमारे 08 मिनिटांत हा फोन 50 टक्के चार्ज होतो. तर 100 टक्के चार्जिंगसाठी अवघी 20 मिनिटे पुरतात.
कनेक्टिव्हिटी : आयकू 9टी 5 जी या स्मार्टफोनमध्ये वाय-फाय, 5 जी , जीपीएस, ओटीजी, एफएम रेडिओ, 3.5 मिलीमीटर हेडफोन जॅक आणि यूएसबी टाइप-सी सपोर्ट, यासारखे अनेक फीचर्स दिसतील. सुरक्षिततेच्या दृष्टीकोनातून (सिक्युरिटी) फोनमध्ये इन-डिस्प्ले फिगरप्रिंट सेन्सर बसवण्यात आला आहे.
या आयकू मोबाईलच्या 8 जीबी रॅमसह 128 जीबी स्टोरेज व्हेरिएंटची किंमत 49,999 रुपये आहे. तर 12 जीबी रॅम आणि 256 जीबी इंटरनल स्टोरेज व्हेरिएंटची किंमत 54,999 रुपये आहे. हा फोन कंपनीच्या अधिकृत वेबसाईटवर आजपासून ( 2 ऑगस्ट) तर ॲमॅझॉन (Amazon) या ई-कॉमर्स वेबसाईटवर 4 ऑगस्टपासून हा फोन विक्रीसाठी उपलब्ध असेल. आयकू 9टी हा फोन ब्लॅक (अल्फा) आणि व्हाइट या रंगांत उपलब्ध होईल.