मेटाने भारतात रे-बॅन मेटा जेन 2 स्मार्टग्लासेस केले लाँच, जाणून घ्या याचे ‘हे’ खास फिचर्स आणि किंमत
रे-बॅन मेटा जेन 2 भारतात ३के व्हिडिओ, 2एक्स बॅटरी आणि हिंदी मेटा एआयसह लाँच करण्यात आला आहे. कंपनी लवकरच क्यूआर-आधारित यूपीआय लाईट पेमेंट देखील सादर करणार आहे. चला तर मग या स्मार्ट ग्लासेसची किंमत आणि फिचर्स आपण जाणून घेऊयात.
मेटा आणि रे-बॅन यांनी संयुक्तपणे त्यांचा नवीन स्मार्ट ग्लासेस Ray-Ban Meta (Gen 2) AI भारतात लाँच केले आहेत. यामध्ये अधिक शार्प 3के अल्ट्रा एचडी व्हिडिओ, दुप्पट बॅटरी लाइफ आणि अपग्रेडेड मेटा एआय फिचर्स मिळत आहे. नवीन पिढीमध्ये अल्ट्रावाइड एचडीआर, 48 तासांचा पॉवर बॅकअप केस आणि जलद चार्जिंग सपोर्ट देखील समाविष्ट आहे. कंपनीने अनेक नवीन शैली, लिमिटेड एडिशन कलर्स आणि हिंदी संवाद यासारख्या जबरदस्त फिचर्सचा देखील समावेश केला आहे. उल्लेखनीय म्हणजे लवकरच चष्म्यांमधून थेट यूपीआय लाइट पेमेंट उपलब्ध होणार आहे.
या स्मार्टग्लासेसची किंमत किती आहे?
या स्मार्टग्लासेसची किंमत 39,900 रूपयांपासून सुरू होत आहे आणि ते रे-बॅन इंडियासह देशभरातील ऑप्टिकल रिटेलर्सकडे उपलब्ध असतील. रे-बॅन मेटा जेन 2 हा वेफेअरर, स्कायलर आणि हेडलाइनर सारख्या लोकप्रिय स्टाईलमध्ये लाँच करण्यात आला आहे. या वर्षीच्या रंग पर्यायांमध्ये शायनी कॉस्मिक ब्लू, शायनी मिस्टिक व्हायलेट आणि शायनी अॅस्टेरॉइड ग्रे यांचा समावेश आहे.
मेटा एआय अपग्रेड
मेटा एआय आता अधिक स्मार्ट झाले आहे, “Hey Meta” ही कमांड करताच हा स्मार्टग्लास त्वरित माहिती, सूचना आणि सर्जनशील सूचना प्रदान करते. एक संभाषण फोकस फिचर्स देखील जोडले गेले आहे, जे तुम्हाला जास्त आवाज गोंधळ असलेल्या ठिकाणी सुद्धा स्पष्टपणे ऐकण्यास मदत करते. शिवाय या स्मार्टग्लासमध्ये संपूर्ण हिंदी संभाषणला समर्थन देतात.
Celebrity AI Voice आणि UPI Lite पेमेंट फीचर
मेटा एआयने अलीकडेच सेलिब्रिटी एआय व्हॉइस फीचर सादर केले आहे, ज्यामुळे वापरकर्ते दीपिका पदुकोणच्या एआय व्हॉइसशी संवाद साधू शकतात. जागतिक लाइनअपमध्ये इतर अनेक सेलिब्रिटी व्हॉइस देखील उपलब्ध आहेत. लवकरच, रे-बॅन मेटा जेन 2 वरून थेट यूपीआय लाइट पेमेंट करणे देखील शक्य होईल. वापरकर्ते फक्त क्यूआर कोड पाहू शकतात आणि “Hey Meta, scan and pay” असे कमांड करून पेमेंट करू शकतात आणि पेमेंट त्यांच्या व्हॉट्सअॅप-लिंक्ड बँक खात्याद्वारे प्रक्रिया केली जाईल. हे फीचर दररोजचे व्यवहार पूर्वीपेक्षा सोपे आणि जलद करण्यासाठी सादर केले जात आहे.
चांगले व्हिडिओ कॅप्चर आणि जास्त बॅटरी लाइफ
रे-बॅन मेटा जेन 2 मध्ये 3 के अल्ट्रा एचडी व्हिडिओ कॅप्चर आणि अल्ट्रावाइड एचडीआर सपोर्ट आहे, ज्यामुळे व्हिडिओ पूर्वीपेक्षा अधिक तीव्र आणि स्थिर होतात. कंपनीचा दावा आहे की बॅटरी लाइफ दुप्पट आहे, आता 8 तासांपर्यंत टिकते. चष्मा 20 मिनिटांत 50% पर्यंत जलद चार्ज होतो आणि समाविष्ट चार्जिंग केस 48 तासांचा अतिरिक्त बॅकअप प्रदान करतो. हायपरलॅप्स आणि स्लो-मोशन सारखे नवीन कॅप्चर मोड देखील लवकरच सॉफ्टवेअर अपडेटद्वारे उपलब्ध होणार आहेत.
