भारतात ‘या’ दिवशी लाँच होणार मोटोरोलाचा हा फोल्डेबल फोन, जाणून घ्या तारीख आणि फिचर्स

मोटोरोला कंपनीने या आठवड्याच्या सुरुवातीला मोटोरोला रेझर फोल्ड फोनच्या लाँचबद्दल माहिती एक्स वर दिली आहे. आता कंपनीने या आगामी फोल्डेबल फोनच्या लाँचची तारीख जाहीर केली आहे. तर हा स्मार्टफोन लाँच झाल्यानंतर कंपनीने हे देखील सांगितले आहे की मोटोरोलाचा हा फोल्डेबल फोन कंपनीच्या वेबसाइटसोबतच फ्लिपकार्टवरही विकला जाईल. तर हा फोन अनेक आंतरराष्ट्रीय बाजारपेठांमध्ये आधीच लाँच करण्यात आलेला आहे. हा हँडसेट मार्चमध्ये MWC 2026 दरम्यान सादर करण्यात आला होता. चला तर मग आजच्या लेखात आपण या फोनची लाँच तारीख तसेच फिचर्स जाणून घेऊयात.

मोटोरोला इंडियाने त्यांच्या अधिकृत एक्स हँडलवर घोषणा केली आहे की, मोटोरोला रेझर फोल्ड हा फोन 13 मे रोजी भारतात लाँच केला जाईल. या फोनसाठी फ्लिपकार्ट आणि कंपनीच्या वेबसाइटवर एक स्वतंत्र मायक्रोसाइटदेखील तयार करण्यात आली आहे.

मोटोरोला रेझर फोल्डची फिचर्स

डिस्प्ले: मोटोरोलाच्या या फोनमध्ये 8.1-इंचाचा आतील डिस्प्ले आहे, ज्यावर तुम्ही एकाच वेळी तीन ॲप्स चालवू शकता. हा फोन 6200 निट्सची कमाल ब्राइटनेस, 2के रिझोल्यूशन आणि HDR10+ सपोर्टसह येतो. बंद असताना या फोनमध्ये 6.6-इंचाचा बाहेरील डिस्प्ले असतो.

बॅटरी: या फोनमध्ये 6000mAh क्षमतेची बॅटरी असेल, जी फोल्डेबल फोनमधील आतापर्यंतची सर्वात मोठी बॅटरी आहे. मोठी बॅटरी असूनही फोन फार जड वाटत नाही. यात 80W फास्ट चार्जिंगची सुविधा देखील आहे.

कॅमेरा: मागील बाजूस 50-मेगापिक्सलचा सोनी लायटिया 828 प्रायमरी कॅमेरा, सोबतच मॅक्रो व्हिजनसह 50-मेगापिक्सलचा अल्ट्रा-वाइड कॅमेरा आणि 50-मेगापिक्सलचा टर्शियरी कॅमेरा. फोन बंद असताना त्यात 20-मेगापिक्सलचा फ्रंट कॅमेरा आणि उघडल्यावर आतील स्क्रीनवर 32-मेगापिक्सलचा सेल्फी कॅमेरा असेल.

प्रोसेसर: वेग आणि मल्टीटास्किंगसाठी फोनमध्ये स्नॅपड्रॅगन 8 जनरेशन 5 प्रोसेसर वापरण्यात आला आहे.

मोटोरोला रेझर फोल्डची किंमत

हा फोन MWC 2026 मध्ये 1999 युरो म्हणजेच भारतीय चलना नूसार अंदाजे 2 लाख 14 हजार 200 रुपये किमतीला लाँच करण्यात आला होता. सध्या हा फोन भारतीय बाजारपेठेत कोणत्या किमतीत लाँच केला जाईल हे अद्याप कंपनीने सांगितलेलं नाहीये.