वनप्लस नॉर्ड बड्स 4 प्रो झाले लाँच, हे इअरबड्स देतील 54 तासांपर्यंत प्लेबॅक टाइम
दोन वर्षांनंतर वनप्लसने त्यांच्या नॉर्ड बड्स प्रो लाइनअपला वनप्लस नॉर्ड बड्स 4 प्रो सह रिफ्रेश केले आहे. हे नवीन TWS हेडफोन्स 55dB पर्यंत ॲक्टिव्ह नॉइज कॅन्सलेशन, AI अल्गोरिदम, LHDC 5.0 सपोर्ट आणि IP55 रेटिंग यांसारख्या प्रभावी वैशिष्ट्यांसह येतात. चला तर मग या इअरबड्सची किंमत जाणून घेऊयात.
वनप्लसने दोन वर्षांनंतर त्यांच्या नॉर्ड बड्स प्रो लाइनअपला नवीन रूप दिले आहे. या सिरीजमधील सर्वात नवीन भर म्हणजे नॉर्ड बड्स 4प्रो वर आहे. हे इअरबड्स जुलै 2024 मध्ये लाँच झालेल्या नॉर्ड बड्स 3 प्रो चे अपग्रेड आहे. ‘प्रो’ ब्रँडिंग असलेल्या या नवीन TWS इअरफोन्समध्ये असे काय खास आहे? चला जाणून घेऊयात या इअरबड्सची किंमत किती आहे आणि त्यात फिचर्स कोणते आहेत.
या नवीन वनप्लस इअरबड्सची किंमत 3 हजार 999 रूपये आहे. मात्र हे बड्स 3 हजार 799 रूपयांच्या विशेष लाँच किमतीत विकले जातील. तुम्ही ते कंपनीच्या अधिकृत वेबसाइटवरून तसेच वनप्लस स्टोअर ॲप, वनप्लस एक्सपीरियन्स स्टोअर, ॲमेझॉन, फ्लिपकार्ट आणि मिंत्रा यांसारख्या विविध प्लॅटफॉर्मवरून खरेदी करू शकता.
वनप्लस नॉर्ड बड्स 4 प्रो ची फिचर्स
ॲक्टिव्ह नॉईज कॅन्सलेशन (ANC) सह, हे बड्स 55 डेसिबलपर्यंतचा आवाज रोखू शकतात. वनप्लसने सांगितले आहे की, नवीन नॉर्ड बड्स 4 प्रो मध्ये रिअल-टाइममध्ये आवाजावर लक्ष ठेवण्यासाठी प्रगत एआय अल्गोरिदम असतील. कंपनीने सांगितले की, या इअरबड्सना आता TUV Rheinland उच्च-कार्यक्षमता नॉईज कॅन्सलेशन प्रमाणपत्र मिळाले आहे. नॉर्ड बड्स 4 प्रो मध्ये नवीन ड्रायव्हर्स आहेत, जे नॉर्ड बड्स प्रो 3 मधील ड्रायव्हर्सपेक्षा 100 टक्के अधिक पॉवरफुल असल्याचे सांगितले जाते. रिच, डीप बास आणि स्पष्ट आवाजासाठी यावर टायटॅनियमचे कोटिंग आहे.
हे इअरबड्स हाय-डेफिनिशन संगीतासाठी LHDC 5.0 ला देखील सपोर्ट करतात. यात ब्लूटूथ 6.0 कनेक्टिव्हिटीसाठीही सपोर्ट आहे. नॉर्ड बड्स 4 प्रो मध्ये सहा मायक्रोफोन आहेत, प्रत्येक इअरबडमध्ये तीन, जे वापरकर्त्यांना क्रिस्टल-क्लिअर व्हॉइस कॉलिंगचा अनुभव देण्यासाठी एकत्रितपणे काम करतात. सुदैवाने, प्रत्येक इअरबडचे वजन फक्त 4 ग्रॅम आहे आणि ते धूळ व पाण्याच्या शिडकाव्यापासून संरक्षणासाठी IP55 रेटिंगसह येतात.
वनप्लसच्या म्हणण्यानुसार, लॅब चाचण्यांमध्ये, ANC बंद असताना आणि व्हॉल्यूम 54 टक्क्यांवर सेट केलेला असताना, नॉर्ड बड्स 4 प्रो चार्जिंगशिवाय 54 तास चालले. तुम्ही इअरबड्स फक्त 10 मिनिटांसाठी केसमध्ये ठेवल्यास, तुम्हाला पाच तासांची बॅटरी लाईफ मिळेल.
