स्मार्ट वॉच खरेदी करण्याचा विचार करताय? मग हे आहे सर्वात बेस्ट
ओप्पो वॉच एस हा स्मार्ट वॉच जागतिक स्तरावर लाँच झाला आहे. यात AMOLED स्क्रीन, 100 प्लस स्पोर्ट्स मोड्स आणि 10 दिवसांपर्यंत बॅटरी लाइफ आहे. तर आजच्या लेखात आपण या स्मार्ट वॉचची किंमत आणि फिचर्स जाणून घेऊयात.
वॉच मध्ये 1.46 इंचाचा AMOLED डिस्प्ले, 100 हून अधिक स्पोर्ट्स मोड आणि 10 दिवसांपर्यंत बॅटरी लाइफ असल्याचा दावा केला आहे. सुरुवातीला ऑक्टोबरमध्ये चीनमध्ये सादर करण्यात आलेले हे घड्याळ आता युरोपसह इतर बाजारपेठांमध्ये उपलब्ध करण्यात आले आहे. या नवीन घड्याळात हार्ट रेट, बल्ड ऑक्सिजन आणि रिस्ट टेम्परेचर सेन्सर यात आहेत. तसेच कंपनीचा दावा आहे की यामध्ये डेली फिटनेस आणि वेलनेस ट्रॅकिंगसाठी एक ॲडव्हांस सेन्सर आहेत.
किंमत आणि डिझाइन
Oppo Watch S ची जर्मनीमध्ये किंमत 259 युरो आहे, जी भारतीय चलनात अंदाजे 27 हजार रुपये आहे. फ्रान्समध्ये त्याची किंमत 230 युरो आणि स्पेनमध्ये 209 युरो आहे, म्हणजेच वेगवेगळ्या बाजारपेठांमध्ये किंमती थोड्या वेगळ्या आहेत. हे स्मार्टवॉच फॅंटम ब्लॅक आणि सिल्व्हर ग्लो या दोन रंगांच्या पर्यायांमध्ये उपलब्ध आहे. त्याची रचना कॉम्पॅक्ट आणि प्रीमियम-लूकिंग आहे. पट्ट्याशिवाय घड्याळाचे वजन सुमारे 35 ग्रॅम आहे.
दमदार डिस्प्ले आणि परफॉर्मेंस
Oppo Watch S मध्ये 1.46 इंचाचा AMOLED डिस्प्ले आहे ज्याचे रिझोल्यूशन 464×464 पिक्सेल आहे आणि पिक्सेल डेन्सिटी 317ppi आहे. कंपनीच्या मते त्याची ब्राइटनेस स्टँडर्ड मोडमध्ये 600 निट्स आणि हाय ब्राइटनेस मोडमध्ये 1500 निट्स पर्यंत पोहोचू शकते. पीक ब्राइटनेस 3000 निट्स पर्यंत पोहोचण्याचा दावा केला जातो, ज्यामुळे प्रखर सूर्यप्रकाशातही स्क्रीन स्पष्टपणे दिसते.
हे घड्याळ ColorOS Watch 7.1 वर चालते आणि BES2800BP चिपसेट आणि 4GB eMMC स्टोरेजसह सुसज्ज आहे. हे Android 9.0 किंवा उच्च आणि iOS 14.0 किंवा उच्च आवृत्तीवर चालणाऱ्या स्मार्टफोनशी सुसंगत आहे. कनेक्टिव्हिटी पर्यायांमध्ये ब्लूटूथ 5.2 समाविष्ट आहे.
हेल्थ फिचर्स आणि 100 प्लस स्पोर्ट्स मोड्स
ओप्पो वॉच एस मध्ये हेल्थ ट्रॅकिंगसाठी अनेक सेन्सर्स आहेत, ज्यात ऑप्टिकल हार्ट रेट, ब्लड ऑक्सिजन, रिस्ट टेम्परेचर, एक्सेलेरोमीटर, जायरोस्कोप आणि बॅरोमीटर यांचा समावेश आहे. यात 60-सेकंदांचे वेलनेस ओव्हरव्यू फीचर देखील आहे जे एकाच वेळी हार्ट रेट, झोप, ताण आणि SpO2 सारखे आकडे प्रदर्शित करते.
हे घड्याळ 100 हून अधिक स्पोर्ट्स मोड्सना सपोर्ट करते, ज्यामध्ये धावणे, टेनिस, बॅडमिंटन, पोहणे, सायकलिंग आणि ट्रेकिंग यासारख्या ॲडव्हेंचर ॲक्टिव्हिटीचा समावेश आहे. 5ATM वॉटर रेझिस्टन्स आणि IP68 रेटिंगमुळे ते पाणी आणि धूळ प्रतिरोधक देखील यात आहे.
यात 339 एमएएच बॅटरी आहे, जी तुमच्या रोजच्या वापरात 10 दिवसांपर्यंत चालते असा दावा कंपनीने केला आहे. दररोजच्या वापरात ही बॅटरी सुमारे 7 दिवस आणि ऑलवेज-ऑन डिस्प्ले सक्षम असताना सुमारे 4 दिवसांपर्यंत बॅटरी देऊ शकते.
