सॅमसंगने भारतात लाँच केले त्यांचे AI फीचर्स आणि Mini LED टेक्नॉलॉजीचे नवीन स्मार्ट टीव्ही, जाणून घ्या किंमत
सॅमसंगने भारतात AI प्रोसेसर आणि स्मार्ट फीचर्स असलेले त्यांचे नवीन मिनी एलईडी टीव्ही रेंज लाँच केले आहे. तसेच कंपनी या टीव्हीमध्ये सात वर्षांपर्यंत ओएस अपडेट्स देण्याचे आश्वासनही देत आहे. चला तर मग आपण या स्मार्ट टीव्हीची किंमत आणि फिचर्स जाणून घेऊयात.
सॅमसंगने भारतात त्यांची नवीन AI-पॉवर्ड Mini LED TV सिरीज सादर केली आहे. कंपनीचा दावा आहे की ही नवीन रेंज अधिक तेजस्वी व्हिज्युअल्स, उत्तम कलर आणि स्मार्ट एआय फिचर्स प्रदान करते. या सिरीजची किंमत 42 हजार 990 पासून सुरू होते आणि यामध्ये 43 इंच ते 100 इंच पर्यंतच्या मॉडेल्सचा समावेश आहे. यावेळी सॅमसंगने प्रीमियम डिझाइन आणि प्रगत घरगुती मनोरंजन अनुभवावर लक्ष केंद्रित केले आहे.
सॅमसंगने या नवीन सिरीजमध्ये सॅमसंग नॉक्स सिक्युरिटीचा सपोर्ट दिला आहे, ज्यामुळे युझर डेटा आणि कनेक्टेड IoT डिव्हाइसेसचे संरक्षण करण्यास मदत होते. हे टीव्ही स्मार्टथिंग्स आणि वन UI टायझेन प्लॅटफॉर्मसह येतात, ज्यामुळे स्मार्ट होम कंट्रोल आणि कंटेंट ॲक्सेस करणे सोपे होते. कंपनी 7 वर्षांसाठी OS अपडेट्स देण्याचे आश्वासनही देत आहे. याशिवाय सॅमसंग टीव्ही प्लसद्वारे 14 भाषांमध्ये 150 हून अधिक मोफत चॅनेल्स उपलब्ध होतील. ही नवीन टीव्ही रेंज फ्लिपकार्ट, Samsung.com आणि ऑफलाइन स्टोअर्सवर उपलब्ध आहे, जिथे लाँच ऑफरचा भाग म्हणून कॅशबॅक आणि नो डाउन पेमेंट EMI सारखे फायदेही दिले जात आहेत.
डिस्प्ले आणि डिझाइन
नवीन मिनी एलईडी टीव्ही सिरीजमध्ये कंपनीने एअरक्राफ्ट प्रेरित असलेले MetalStream डिझाइन सादर केले आहे. या टीव्हीला सिंगल मेटल बॉडी आणि अत्यंत पातळ बेझल्स देण्यात आले आहेत, ज्यामुळे एज-टू-एज व्ह्यूइंगचा अनुभव मिळतो. मिनी एलईडी टेक्नॉलॉजीमध्ये लहान एलईडी वापरले जातात, जे उत्तम लाईट कंट्रोल करण्यास मदत करतात. यासोबतच, Pure Spectrum Color, Color Booster आणि Mini LED HDR सारखी वैशिष्ट्ये देण्यात आली आहेत, जी अधिक नैसर्गिक आणि तेजस्वी रंग प्रदर्शित करण्यास मदत करतात. कंपनीच्या मते हा टीव्ही 90 टक्क्यांहून अधिक वाइड कलर गॅमट कव्हरेज देतो.
एआय वैशिष्ट्ये आणि गेमिंग अनुभव
या टीव्हीमध्ये NQ4 AI Gen2 प्रोसेसर आहे, जो 20-स्तरीय न्यूरल नेटवर्क आर्किटेक्चरवर काम करतो. हा प्रोसेसर पिक्चर आणि आवाजाला रिअल-टाइममध्ये ऑप्टिमाइझ करतो. तो टीव्हीवरील कंटेंटनुसार ब्राइटनेस, कॉन्ट्रास्ट आणि क्लॅरिटी आपोआप ॲडजस्ट करतो. याव्यतिरिक्त AI साउंड कंट्रोलर फीचर वापरकर्त्याच्या पसंतीनुसार ऑडिओ अनुभवाला जुळवून घेते. गेमिंग आणि क्रीडाप्रेमींसाठी, मोशन एक्सलरेटर 144Hz फीचरमुळे जलद हालचाली अधिक सुरळीत दिसतात.
