महागड्या पॅकचा रिचार्ज करण्याची गरज नाही! TRAI च्या या निर्णयामुळे ग्राहकांना दिलासा; आता फक्त कॉलिंगसाठी करता येणार रिचार्ज
इंटरनेटचा वापर न करणाऱ्या ग्राहकांना आता केवळ कॉलिंग आणि SMSसाठीचे Recharge पर्याय उपलब्ध करून देण्यावर TRAIने भर दिला आहे, त्यामुळे गरज नसलेल्या Dataसाठी पैसे खर्च करण्याचा पर्याय टाळता येऊ शकतो.
मोबाईल रिचार्ज म्हटलं की डेटा, कॉलिंग, SMS असा सगळा पॅक घ्यावा लागतो. काही लोकांना इटरनेटची गरजच नसताना देखील हा महागडे रिचार्ज करावे लागतात. त्यामुळे जवळपास दरमहिन्याला हजार रूपये रिचार्जसाठीच वेगळे काढावे लागतात. आता याच मुद्द्यावर TRAI ने ग्राहकांच्या बाजूने महत्त्वाचा निर्णय घेतला आहे. या निर्णयामुळे ग्राहकांना दिलासा मिळण्याची शक्याता आहे.
फक्त कॉलिंग मग इंटरनेटचे पैसे कशाला द्यायचे
अनेक ग्राहक फक्त मोबाईलचा वापर हा कॉलिंगसाठीच करतात. पण काही पर्याय शिल्लक नसल्याने त्यांना पूर्ण पॅक मारावाच लागतो. हे रिचार्ज महागडे देखील आहेत. त्यामुळे इंटरनेट न वापरणाऱ्यांसाठी एक स्वस्त फक्त कॉलिंगसाठी रिचार्ज असावा अशी अनेक ग्राहकांची मागणी आहे.TRAI ने या गोष्टीवर लक्ष केंद्रित करत ग्राहकांना त्यांच्या गरजेनुसार रिचार्ज उपलब्ध करून देण्याचे जाहीर केले आहे.
Jio- Airtel- Vi- BSNL ला बदलावे लागणार पॅकेज प्लॅन
TRAI ने जाहीर केलेल्या आदेशानुसार टेलिकॉम कंपन्याना कॉलिंग आणि SMS साठी विशेष वाउचर उपलब्ध करुन द्यावे लागणार आहे. यामध्ये ३० दिवस किंवा त्यापेक्षा कमी वैधतेचा कॉलिंग आणि SMS पर्याय देणे आवश्यक आहे. याशिवाय दर महिन्याला रिचार्ज प्लॅन अपडेटही करता येणार आहेत.
सोप्या भाषेत सांगायच झालं तर, ज्यांना फक्त फोन करायचा आहे आणि SMS करायचा आहे, त्यांना डेटा असलेला महागडा पॅक घेण्याची सक्ती राहू नये. हा या बदलामागचा मु्ख्य उद्देश आहे.आता ग्राहकांना त्यांच्या वापरानुसार आणि बजेटनुसार रिचार्ज निवडता येईल.
हा प्लॅन केव्हा सुरू होणार
TRAI ने नवे नियम जरी जाहीर केले असले तरी नव्या प्लॅनची नेमकी किंमत किंवा प्रत्येक कंपनी हा प्लॅन कधी बाजारात आणणार याची तारीख स्पष्ट करण्यात आलेली नाही.
