आयफोनच्या किमतीचा रेकॉर्ड मोडत विवोने लाँच केला धमाकेदार स्मार्टफोन, जाणून घ्या किंमत आणि फिचर्स

विवोने भारतीय बाजारपेठेतील ग्राहकांसाठी नवीन Vivo X300 Ultra स्मार्टफोन लाँच केला आहे. तर या लाँच केलेल्या स्मार्टफोनच्या वैशिष्ट्यांच्या बाबतीत बोलायचे झाल्यास या नवीन स्मार्टफोनमध्ये 200-मेगापिक्सलचा सोनी लायटिया 901 सेन्सर, एक पॉवरफूल स्नॅपड्रॅगन प्रोसेसर, 6600mAh बॅटरी आणि सात वर्षांचे सुरक्षा अपडेट्स मिळतात. चला जाणून घेऊयात की या नवीन फोनची किंमत किती आहे, तो विक्रीसाठी कधी उपलब्ध होईल आणि त्यात कोणती वैशिष्ट्ये असतील.

या विवो फ्लॅगशिप फोनची किंमत 1 लाख 59 हजार 999 रूपयांपासून सुरू होते, ज्यामध्ये 12जीबी रॅम आणि 512 जीबी व्हेरिएंटचा समावेश आहे. 16 जीबी रॅम आणि 512 जीबी व्हेरिएंटची किंमत 1 लाख 69 हजार 999 रूपये आहे. 400 मिमी टेलीफोटो एक्सटेंडरची किंमत 27 हजार 999 रूपये आहे, तर इमेजिंग ग्रिपची किंमत 11 हजार 999 रूपये आहे. ग्रिप आणि दोन्ही एक्सटेंडरसह X300 Ultra ची किंमत 2 लाख 9हजार 999 रूपये आहे. या फोनसाठी प्री-बुकिंग 6 मे रोजी फ्लिपकार्ट आणि कंपनीच्या अधिकृत वेबसाइटवर सुरू झाली आहे. तर या फोनची विक्री 14 मे पासून सुरू होईल.

या किंमतीच्या श्रेणीत हा फोन आयफोन 17 प्रो मॅक्सशी स्पर्धा करेल. या हँडसेटच्या 256GB व्हेरिएंटची किंमत 1 लाख 49 हजार 900 ते 2 लाख 29 हजार 900 च्या दरम्यान आहे. विवोच्या एंट्री-लेव्हल व्हेरिएंटची किंमत आयफोनपेक्षा जास्त आहे, म्हणजेच विवोने आयफोनचा किंमतीचा विक्रम मोडला आहे.

Vivo X300 Ultra वैशिष्ट्ये

ओएस अपडेट्स: कंपनीने सांगितले आहे की या फ्लॅगशिप फोनला 7 वर्षांसाठी सुरक्षा अपडेट्स आणि 5 वर्षांसाठी ओएस अपडेट्स दिले जातील.

कॅमेरा: या फोनमध्ये गिम्बल-स्टाईल ऑप्टिकल स्टॅबिलायझेशनसह 200 मेगापिक्सेलचा सोनी लायटिया 901 सेन्सर, तसेच 3.7x ऑप्टिकल झूम आणि मॅक्रो सपोर्ट असलेला 200-मेगापिक्सेलचा टेलीफोटो कॅमेरा आहे. 50MP Sony LYTIA 818 अल्ट्रा-वाइड-अँगल सेन्सरदेखील उपलब्ध आहे. कंपनी Zeiss Telephoto Extenders स्वतंत्रपणे विकणार आहे, ज्यामध्ये 200 मिमी आणि 400 मिमीच्या दोन क्लिप-ऑन लेन्सचा समावेश आहे. हे फोटोग्राफीचा अनुभव अधिक चांगला करण्यासाठी डिझाइन केलेले आहेत.

डिस्प्ले: या फोनमध्ये 6.82-इंचाचा LTPO OLED डिस्प्ले असून तो 144 Hz ॲडॅप्टिव्ह रिफ्रेश रेटसह येतो.

चिपसेट: वेग आणि मल्टीटास्किंगसाठी या अल्ट्रा स्मार्टफोनमध्ये स्नॅपड्रॅगन 8 एलिट जनरेशन 5 प्रोसेसर देण्यात आला आहे.

बॅटरी: या फोनमध्ये 6600mAh क्षमतेची मोठी बॅटरी असून ती 40W वायरलेस चार्जिंग तसेच 100W फास्ट चार्जिंगला सपोर्ट करते.