विवोचा नवीन 5G फोन 6500mAh बॅटरी, स्नॅपड्रॅगन प्रोसेसरसह भारतात होणार लाँच, जाणून घ्या किंमत आणि फिचर्स
विवो लवकरच भारतात आपला नवीन Vivo X300 FE स्मार्टफोन लाँच करण्याच्या तयारीत आहे. हा फोन जागतिक स्तरावर आधीच लाँच झाला आहे. यामध्ये कोणते खास वैशिष्ट्ये असतील ते जाणून घेऊयात.
विवो लवकरच भारतीय बाजारपेठेत आणखी एक नवीन फोन लाँच करणार आहे, ज्याचे नाव Vivo X300 FE आहे. कंपनीने या वर्षाच्या सुरुवातीलाच निवडक जागतिक बाजारपेठांमध्ये हे डिव्हाइस लाँच केले होते. जागतिक व्हेरिएंट स्नॅपड्रॅगन 8 जनरेशन 5 चिपसेट आणि 6500mAh बॅटरीसह सादर करण्यात आला होता. आता असे दिसते की, कंपनी हा एक्स-सिरीज स्मार्टफोन भारतीय बाजारपेठेत आणण्याची तयारी करत आहे. जरी ब्रँडने Vivo X300 FE च्या आगमनाची अद्याप पुष्टी केली नसली तरी, अलीकडील वृत्तांनुसार हा फोन लवकरच भारतात लाँच होईल.
Vivo X300 FE ची संभाव्य वैशिष्ट्ये
स्पेसिफिकेशन्सच्या बाबतीत Vivo X300 FE मध्ये 6.31-इंचाचा LTPO AMOLED डिस्प्ले असण्याची शक्यता आहे. या डिव्हाइसला धूळ आणि पाण्यापासून संरक्षणासाठी IP68 आणि IP69 रेटिंग्स देखील मिळतील. या फोनमध्ये तीन रियर कॅमेरे असतील, ज्यापैकी मुख्य कॅमेरा 50-मेगापिक्सेलचा सेन्सर असेल.
जागतिक व्हेरिएंटच्या आधारावर, अशी अपेक्षा आहे की भारतात लाँच होणाऱ्या या Vivo X300 FE व्हेरिएंटमध्ये देखील स्नॅपड्रॅगन 8 जेन 5 चिप, 12GB LPDDR5x अल्ट्रा रॅम आणि 512GB पर्यंत UFS 4.1 स्टोरेज असेल.
तसेच या डिव्हाइसमध्ये 6,500mAh बॅटरी असून, त्याला 90W वायर्ड फास्ट चार्जिंग आणि 40W वायरलेस चार्जिंगचा सपोर्ट देखील असेल.
फोटोग्राफीसाठी, Vivo X300 FE मध्ये ट्रिपल रियर कॅमेरा सेटअप असण्याची शक्यता आहे, ज्यामध्ये 50-मेगापिक्सलचा प्रायमरी कॅमेरा, 8-मेगापिक्सलचा अल्ट्रा-वाइड लेन्स आणि 50-मेगापिक्सलचा टेलीफोटो कॅमेरा असेल. समोरच्या बाजूला 50-मेगापिक्सलचा सेल्फी कॅमेरा आहे.
Vivo X300 FE कधी लाँच होईल?
मिळालेल्या माहितीनुसार Vivo X300 FE मे महिन्याच्या पहिल्या आठवड्यात भारतीय बाजारात लाँच होईल. हा डिव्हाइस ब्लॅक, ग्रीन आणि पर्पल या रंगांच्या पर्यायांमध्ये उपलब्ध होण्याची शक्यता आहे. याची किंमत अंदाजे 70 हजार रुपये असण्याची शक्यता आहे.
