Google | कुठून देतो ‘गुगल बाबा’ तुमच्या सगळ्या प्रश्नांची उत्तर, जाणून घ्या या मागचं रहस्य…

मुंबई : आज जेव्हा आपण कशाबद्दलही गोंधळलेले असतो, तेव्हा त्यातील बर्‍याच गोष्टींची उत्तरे आपल्याला गुगलद्वारे सहजपणे मिळतात. पूर्वी लोक प्रश्नांची उत्तरे शोधण्यासाठी जाड शब्दकोष वापरत असत. परंतु, आता या शब्दकोशांची जागा ‘गुगल’ने घेतली आहे. माहित नसलेल्या प्रत्येक गोष्टीसाठी, लोक Google वर अवलंबून असतात. एखादी गोष्ट माहित असली तरीही ती पुन्हा एकदा कन्फर्म करण्यासाठी Google वापरतात. परंतु, याचा आता कुठेतरी लोकांच्या विचार करण्याच्या क्षमतेवर परिणाम होत आहे (Where from google brings all the answers to your questions here you need to know).

लोक आजकाल काहीही लक्षात न ठेवता गुगलवर गोष्टी शोधण्यास सुरुवात करतात. पण, गुगलसुद्धा हार मानत नाही, आपल्याकडे असलेली सगळी उत्तरं तो देतो. म्हणूनच, गुगलने आपली जगण्याची पद्धत बरीच सोपी केली आहे. तंत्रज्ञानाद्वारे लोक आपल्या प्रत्येक प्रश्नाचे उत्तर मिळवतात. परंतु हा गुगल बाबा आपल्या प्रश्नाचे उत्तर नेमकं देतो कसा?, असा प्रश्न आपल्याला कधी पडलाय का…

‘गुगल’ अशी देतो माहिती

क्रॉलिंग

जेव्हा, आपण गुगलवर एखादा प्रश्न शोधतो, तेव्हा गुगल प्रथम वेब पेजवर काय उपलब्ध आहे, ते तपासतो. यासाठी, गुगल वेब पेज क्रॉल करतो आणि अनुक्रमणिकेत नवीन पेज जोडत राहतो. या प्रक्रियेला क्रॉलिंग म्हणतात. ज्यासाठी वेब क्रॉलर गुगलचे बॉट्स वापरतो. गुगल बॉट हे वेब क्रॉलरचे सॉफ्टवेअर आहे. हे क्रॉलर वेब पेज शोधतात. ही वेब पेज शोधून, क्रॉलर त्यांच्यावरील दुव्यांचे अनुसरण करतात. हे वेब क्रॉलर एका दुव्यावरून दुसर्‍या दुव्यावर डेटा संकलित करतात आणि ते गुगलच्या सर्व्हरवर आणतात (Where from google brings all the answers to your questions here you need to know).

इंडेक्स

जेव्हा क्रॉलर्सला वेबपेज सापडते, तेव्हा कंपनीची सिस्टम त्या पेजची सामग्री अर्थात कंटेंट तपासते. जेथे पेज कंटेंट व्यतिरिक्त फोटो आणि व्हिडीओ देखील समाविष्ट असतात. याशिवाय क्रॉल केलेले पेज हेच आहे का? हे देखील गुगल तपासते, ही प्रक्रिया अगदी ब्राऊझरवरील शोधासारखी आहे. यामध्ये कीवर्ड आणि वेबसाईटचे नाविन्य यासारख्या बर्‍याच गोष्टींची काळजी घेतली जाते, म्हणजे आशय कॉपी पेस्ट केला जाऊ नये याची खबरदारी घेतली जाते. गुगलची सिस्टम सर्च इंडेक्समध्ये असलेली सर्व माहिती ट्रॅक करते. या स्टेपमध्ये, डुप्लिकेट सामग्री रद्द केली जाते. ही सर्व माहिती गूगल इंडेक्समध्ये संग्रहित आहे आणि त्याबद्दल एक मोठा डेटाबेस तयार केला गेला आहे.

सर्व्हिंग रिझल्ट

जेव्हा आपण आपल्या प्रश्नासह Googleवर काही सर्च टाईप करतो, तेव्हा त्याशी जुळणार्‍या बर्‍याच गोष्टी दिसू लागतात आणि त्या संबंधित बरीच उत्तरे सापडतात. हे सगळे बर्‍याच गोष्टींवर अवलंबून असते. जिथे शीर्षस्थानी पेज रँकिंग असते. अशाप्रकारे, Google आपल्या प्रत्येक प्रश्नाचे उत्तर सेकंदात देतो. यासह गुगलचे काही अंतर्गत प्रोसेसरही यात काम करत असतात.

(Where from google brings all the answers to your questions here you need to know)

हेही वाचा : 

जवळपास पाऊण तासानंतर Gmail, YouTube सेवा पूर्ववतhttps://t.co/fOiIINE81E #YouTubeDOWN #gmaildown #gmail

— TV9 Marathi (@TV9Marathi) December 14, 2020