अस्वलाला जंगलात कॅमेरा सापडला, धडाधड 400 सेल्फी !

आता कॅमेऱ्याशिवाय आयुष्य अपूर्ण वाटते. कॅमेऱ्याच्या साहाय्याने अनेक जण आपलं टॅलेंट जगाला दाखवत आहेत आणि सेलिब्रेटीही बनत आहेत. आता एका अस्वलाने कॅमेऱ्याचा असा वापर केला आहे की तो इंटरनेटवरही व्हायरल झाला आहे. खरं तर जंगलात पाळत ठेवण्यासाठी लावण्यात आलेला कॅमेरा अस्वलाच्या हातात पडला आणि मग कॅमेऱ्याच्या सहाय्याने त्याने एक-दोन नव्हे तर संपूर्ण 400 सेल्फी काढले. हे फोटो नोव्हेंबर 2022 मधील असल्याचे सांगण्यात आले. सर्व सेल्फी पाहिल्यावर अस्वलाला पोज देण्याची आवड होती, हे लक्षात येतं! कारण अस्वलाने हे फोटो वेगवेगळ्या अँगलमधून काढले आहेत.

‘बोल्डर ओपन स्पेस अँड माउंटन पार्क्सने 24 जानेवारी रोजी ट्विटरवर अस्वलाचे काही ब्लॅक अँड व्हाईट सेल्फी पोस्ट केले आणि नुकतेच एका अस्वलाला वन्यजीव कॅमेरा सापडल्याची माहिती दिली. ज्याचा वापर आपण वन्यप्राण्यांवर लक्ष ठेवण्यासाठी करतो.

त्या कॅमेऱ्यातून एकूण 580 छायाचित्रे घेण्यात आली, त्यापैकी 400 छायाचित्रे अस्वल सेल्फी होती. त्यांच्या या ट्विटला आतापर्यंत 24 हजारांहून अधिक लाईक्स आणि 580 हजार लाइक्स मिळाले आहेत. यावर शेकडो युजर्सनी प्रतिक्रिया दिल्या आहेत.

Recently, a bear discovered a wildlife camera that we use to monitor wildlife across #Boulder open space. Of the 580 photos captured, about 400 were bear selfies.? Read more about we use wildlife cameras to observe sensitive wildlife habitats. https://t.co/1hmLB3MHlU pic.twitter.com/714BELWK6c

— Boulder OSMP (@boulderosmp) January 23, 2023

काहींनी हा अस्वल सेल्फी असल्याचे सांगितले, तर काहींनी पोज द्यायला कोठून शिकले, असे सांगितले. तर काही युजर्सनी हे अस्वल स्मार्ट असल्याचं म्हटलं आहे. फोटोंमधील अस्वलाचे हावभाव पाहून युजर्स म्हणत आहेत की ते लाजत नाही का?