Viral Video : फायर गनशी मस्ती तरूणाला पडली महागात! भर मंडपात नवरीच्या केसांना लागली आग Video Viral
नवरीच्या अगदी जवळ फायर गन चालवल्यानंतर काही क्षणांत तिच्या केसांनी पेट घेतल्यासारखे दृश्य दिसल्याने हा व्हिडिओ सोशल मीडियावर वेगाने व्हायरल झाला आहे. व्हिडिओमध्ये दिसणारी घटना प्रत्यक्ष आहे की AIच्या मदतीने तयार करण्यात आली आहे, याबाबत सोशल मीडियावर चर्चा सुरू आहे
लग्न म्हटलं की नाच, गाणी , मस्ती आणि मित्रांची धम्माल आलीच…पण सोशल मीडियावर व्हायरल होत असलेल्या एका व्हिडिओने हीच लग्नाची मस्ती अंगाशी आलेली दिसत आहेत. व्हिडिओमध्ये नवरा- नवरी स्टेजवर बसलेले दिसतात आणि आजूबाजूला मित्र मस्ती करताना दिसत आहेत. तेवढ्यात नवरदेवाचा एक मित्र हातात स्पार्क गन म्हणजेच फायर गन घेऊन नवरीच्या अगदी समोर येतो आणि ती तिच्या दिशेने चालवतो.
यानंतर व्हिडिओमध्ये जे दिसतं ते पाहून कोणाच्याही काळजाचा ठोका चुकू शकतो.फायर गनमधून निघालेल्या ठिणग्या नवरीच्या चेहऱ्यापर्यंत आणि केसांपर्यंत पोहोचल्यांच दिसतं. काही क्षणांतच तिच्या केसांनी पेट घेतल्यासारखं व्हिडिओमध्ये दिसतं. हा व्हिडिओ सोशल मीडियावर वेगाने व्हायरल झाला आहे.
व्हिडिओमध्ये नेमकं काय दिसत?
व्हायरल व्हिडिओमध्ये लग्नाचा कार्यक्रम सुरू असल्याचं दिसतं आहे. नवरा आणि नवरी स्टेजवर बसले आहेत, तर त्यांचे काही मित्र आजूबाजूला उभे राहून मस्ती करत आहेत. अचानक एक मित्र स्पार्कल गन घेऊन नवरीजवळ येतो आणि तिच्या दिशेने फायर करतो. त्यानंतर ठिगण्या वेगाने नवरीच्या चेहऱ्याकडे आणि केसांकडे जाताना दिसतात.
View this post on Instagram
नवरीच्या केसांना लागली आग
फायर गन चालवल्यानंतर नवरीच्या केसांना आग लागल्याचं व्हिडिओमध्ये दिसतं. काही क्षणांत तिच्या केसांनी आग धरली. स्टेजवर उपस्थित असलेले लोकही दृश्य पाहून हैराण झाल्याचं दिसतं आहे.
या व्हिडिओवर सोशल मीडियावरही जोरदार प्रतिक्रिया उमटत आहेत. अनेक नेटकऱ्यांनी लग्नासारख्या कार्यक्रमात फायर गनचा अशा प्रकारे वापर करण्यावर प्रश्न उपस्थित केले आहेत. काहींना हा व्हिडिओ AI द्वारे बनवल्याचा वाटत आहे.
