बॉलिवूडच्या वादग्रस्त गाण्यावर गौतमी पाटीलचा डान्स, स्टेप अशा की चाहते बघतच राहिले, Video…
माधुरी दीक्षितच्या वादग्रस्त गाण्यावर गौतमी पाटीलचा डान्स. प्रत्येक स्टेपने वेधलं चाहत्यांचं लक्ष. शेवटच्या स्टेपवरून नजर हटवणे कठीण. जुनं गाणं पुन्हा आलं चर्चेत.
Gautami Patil : महाराष्ट्राची लाडकी आणि लोकप्रिय नृत्यांगना सबसे कातिल गौतमी पाटील पुन्हा एकदा चर्चेच्या केंद्रस्थानी आली आहे. आपल्या दमदार आणि ऊर्जा भरलेल्या सादरीकरणासाठी ओळखली जाणारी गौतमी पाटील यावेळी एका गाजलेल्या बॉलिवूड चित्रपटातील गाण्यावर ठेका धरताना दिसली आहे. गौतमी पाटीलने बॉलिवूडची धक-धक गर्ल अभिनेत्री माधुरी दीक्षित हिच्या लोकप्रिय गाण्यावर ‘चोली के पीछे क्या है’ यावर भन्नाट डान्स केला आहे. हे गाणे 1993 साली प्रदर्शित झालेल्या खलनायक या चित्रपटातील असून तिच्या डान्स स्टेपमुळे सध्या ते प्रचंड चर्चेत आलं आहे. त्यासोबतच तिच्या डान्सने देखील सोशल मीडियावर धुमाकूळ घातला आहे.
गौतमीने या गाण्यावर केलेल्या डान्समध्ये तिची खास शैली, आत्मविश्वास आणि मंचावरील पकड स्पष्ट दिसून येत आहे. या गाण्याच्या तालावर तिने सादर केलेल्या स्टेप्स आणि एक्सप्रेशन्स पाहून उपस्थित प्रेक्षकांनी टाळ्यांचा कडकडाट केला.
सोशल मीडियावर व्हिडीओ व्हायरल
गौतमी पाटीलच्या या गाण्यावरील डान्सचा व्हिडीओ सध्या सोशल मीडियावर मोठ्या प्रमाणात व्हायरल होत आहे. इंस्टाग्राम, फेसबुक आणि यूट्यूबवर चाहत्यांकडून या व्हिडीओला हजारो लाईक्स आणि कमेंट्स मिळत आहेत. अनेकांनी तिच्या आत्मविश्वासाचे आणि धडाकेबाज डान्सचे कौतुक केले आहे.
काही चाहत्यांनी ‘गौतमीने माधुरीच्या गाण्याला वेगळाच अंदाज दिला’ अशी प्रतिक्रिया दिली आहे तर काहींनी तिच्या स्टेज प्रेझेन्सचे विशेष कौतुक केले आहे. गौतमी पाटीलचे नाव गेल्या काही वर्षांत महाराष्ट्रात प्रचंड लोकप्रिय झाले आहे. तिच्या कार्यक्रमांना मोठी गर्दी होत असते. यावेळीही तिच्या या सादरीकरणाने चाहत्यांना भुरळ घातली आहे.
View this post on Instagram
वादग्रस्त गाणं पुन्हा चर्चेत
वादग्रस्त ठरलेल्या आणि गाजलेल्या गाण्यावर सादरीकरण करून गौतमीने पुन्हा एकदा आपली वेगळी ओळख सिद्ध केली आहे. तिचा हा व्हिडीओ सध्या सोशल मीडियावर ट्रेंड होत आहे. दरम्यान, गौतमी पाटीलने ‘चोली के पीछे क्या है’ या गाण्यावर केलेल्या डान्समुळे ती पुन्हा एकदा चर्चेत आली असून तिच्या या परफॉर्मन्सची जोरदार चर्चा रंगली आहे.
