मॉलच्या चेंजिंग रूममध्ये कपडे बदलत होती महिला, लहान मुलाने हळूच केलं LIVE

चीनमधून एक अतिशय आश्चर्यकारक आणि संतापजनक प्रकरण समोर आलं आहे. एका शॉपिंग मॉलमध्ये एक महिला चेंजिंग रूममध्ये असताना हा सर्व प्रकार घडला. त्याचवेळी एका दोन वर्षांच्या मुलाने तिचा व्हिडिओ सोशल मीडियावर लाईव्ह केला, असा आरोप या महिलेने केला आहे. या घटनेनंतर महिलेने मुलाला आणि त्याच्या आईला शिवीगाळ करण्यास सुरुवात केल्याने मॉलमध्ये गोंधळ उडाला.

वास्तविक, ही घटना चीनमधील एका शहरातील आहे. साऊथ चायना मॉर्निंग पोस्टच्या रिपोर्टनुसार, इथल्या युनिक्लो स्टोअरच्या चेंजिंग रुममध्ये एक महिला कपडे बदलत असताना हा सर्व प्रकार घडला.

तिथे एक दोन वर्षांचा मुलगा उभा होता. हा मुलगा त्या महिलेचा नव्हता. हा प्रकार करणाऱ्या महिलेला पाहताच त्याने आपल्या मोबाइलचा कॅमेरा महिलेकडे वळवला.

रिपोर्टनुसार, सुरुवातीला महिलेला समजू शकले नाही, पण जेव्हा तिने मागे वळून पाहिले तेव्हा ती स्तब्ध झाली. तिने मुलाला शिवीगाळ करण्यास सुरुवात केली आणि मुलाची आईही थोड्या अंतरावर होती. या मुलाने चेंजिंग रूमचा व्हिडिओ सोशल मीडियावर लाईव्ह केल्याचा आरोप या महिलेने केला.

या घटनेनंतर महिलेने त्याचा फोनही हिसकावून घेतला. मुलगा आणि त्याची आई दोघेही आपली हेरगिरी करत असल्याचा आरोपही या महिलेने केला. सध्या ही घटना कशीबशी शांत झालीये.पण सोशल मीडियावर पुन्हा लैंगिक छळ, महिलांच्या हक्कांची चर्चा सुरू झाली आहे. त्याचबरोबर लैंगिक शिक्षण आणि लहान मुलांसाठीच्या नियमांचीही विस्तृत चर्चा व्हायला हवी, अशीही चर्चा आहे.