Maut Ka Kuwa Viral Video: “मौत का कुआ!” स्टंट करता करता अचानक गाड्या कोसळल्या, व्हिडीओ व्हायरल!

Maut Ka Kuwa Viral Video: बातमी आहे उत्तर प्रदेशातील अमरोहा जिल्ह्यातील एका जत्रेची. हा एका अपघाताचा व्हायरल व्हिडीओ आहे. अपघात आणि व्हिडीओ दोन्ही साधासुधा नाही. “मौत का कुआ” सारखे स्टंट (Maut Ka Kuwa Stunt)आपण लहानपणापासून जत्रेत बघत आलोय. त्याचाच हा व्हिडीओ! ‘मौत का कुआ’ स्टंटदरम्यान झालेल्या अपघाताचा लाईव्ह व्हिडिओ समोर आला आहे. प्रत्यक्षात मौत का कुआमध्ये भरधाव वेगाने धावणाऱ्या दोन दुचाकी अचानक खाली जमिनीवर कोसळल्या आणि त्यानंतर जमिनीवर पडलेल्या दुचाकी (Two Wheeler) स्वारांच्या अंगावर एक मारुती कारही कोसळली. या घटनेचा लाईव्ह व्हिडिओ कुणीतरी कॅमेऱ्यात कैद केला आहे, जो सध्या सोशल मीडियावर व्हायरल (Social Media Viral Video) होत आहे.

उरूस जत्रेदरम्यान ही घटना घडली

संपूर्ण प्रकरण अमरोहा जिल्ह्यातील उज्हरी शहरातील आहे, जिथे गेल्या अनेक दिवसांपासून उरूस जत्रेचे आयोजन केले जात आहे. या जत्रेतील मौत का कुआ मध्ये जबरदस्त अपघात झालाय. या अपघातात मौत का कुआ मध्ये स्टंटबाजी करणारे दोन बाइकस्वार अचानक दुचाकीसह जमिनीवर पडतात आणि मग त्यांच्या मागे धावणारी मारुती गाडीही बाइकस्वारांच्या अंगावर पडते. मौत का कुआ मध्ये अचानक झालेल्या या अपघातामुळे आजूबाजूला प्रचंड गोंधळ होतो.

#अमरोहा: मेले में लगे मौत के कुएं में हादसे का लाइव वीडियो सामने आया#AccidentVideo #UttarPradesh pic.twitter.com/hDvYQjGFVH

— alkesh kushwaha (@alkesh_kushwaha) July 26, 2022

जखमींना रुग्णालयात दाखल करण्यात आले

या अपघातात दुचाकीस्वार दोघेही जखमी झाले असून, त्यांना आनंद-फनान येथील जवळच्या रुग्णालयात दाखल करण्यात आले असून, त्यांच्यावर उपचार सुरू आहेत. मौत का कुआ मध्ये झालेल्या अपघाताचा लाईव्ह व्हिडिओ तिथे उपस्थित असलेल्या एका प्रेक्षकाने आपल्या कॅमेऱ्यात कैद केला, जो सध्या सोशल मीडियावर व्हायरल होत आहे. अपघातानंतर व्हिडिओत लोकांच्या किंकाळ्या ऐकू येतात. इतकंच नाही तर जिथे डेथ स्टंटची विहीर सुरू होती, तिथे लोक इकडेतिकडे धावू लागले.6