पोल डान्सची जबरदस्त क्रेझ! मुलाला जन्म देण्यापूर्वी काही तास आधीपर्यंत करत होती पोल डान्स VIDEO

पोल डान्स फॅन्सची कमतरता नाही पण एका महिलेला हे इतकं आवडायचं की गरोदरपणातही ती करतच राहिली. बाळाला जन्म देण्यापूर्वी तिने काही तास पोल डान्स केल्याचे सांगितले जात आहे. अमेरिकेतील मिशिगनमध्ये राहणारी डॅनियल निकोल सांगते की, ती डॉक्टरांच्या सल्ल्यानुसार पोल डान्स करत राहिली. मात्र, निकोलशी सर्वजण सहमत नव्हते आणि लोकांनी तिला सोशल मीडियावर ट्रोल केले. काही लोकांनी सांगितले की निकोलला मुलाची पर्वा नाही तर ती इन्स्टाग्राम फॉलोअर्स वाढवण्यासाठी हे सर्व करत आहे.

सात वर्षांपासून पोल डान्स करणाऱ्या निकोलला एप्रिल 2021 मध्ये या छंदामुळे गर्भपातही झाला होता. पोल डान्समुळे तिला कठीण अनुभवांवर मात करण्यास मदत झाल्याचे ती सांगते.

नोव्हेंबर 2021 मध्ये निकोल पुन्हा एकदा गरोदर राहिली. यावेळी सुद्धा ती पोल डान्स करत राहिली असे करण्यापूर्वी तिने डॉक्टरांचा सल्ला घेतल्याचे निकोलने सांगितले. कोणतीही अडचण न येता तिने ऑगस्ट 2022 मध्ये आपल्या मुलाला जन्म दिला.

निकोलच्या म्हणण्यानुसार, गरोदरपणाच्या पहिल्या 20 आठवड्यात पोल डान्समध्ये फारसा बदल झाला नाही. त्यांनी ‘स्पिन पोल’ केले नाहीत. या दरम्यान तिने उलटा पोल डान्स करणे आणि खांबावर चढणे टाळले, असेही तिने सांगितले.

SWNSने जारी केलेल्या व्हायरल व्हिडिओमध्ये असा दावा करण्यात आला होता की, मुलाला जन्म देण्यापूर्वी डॅनियलने काही तास पोल डान्स केला होता.