अरे काय! आयुष्याची किंमत काय तुमच्या बुटा एवढी आहे का? मरता मरता वाचला हा माणूस
एका प्लॅटफॉर्मवरून दुसऱ्या प्लॅटफॉर्मवर जाण्यासाठी ट्रॅक ओलांडण्याचा प्रयत्न करत होता आणि थोडक्यात बचावला होता.
बंद पडलेले रेल्वे फाटक किंवा रेल्वे स्थानकांवर अनेकदा लोकांना सूचना किंवा ताकीद दिली जाते की अजिबात रुळांवर जाऊ नका किंवा रुळांच्या जवळ अजिबात राहू नका, कारण असे करणे घातक ठरू शकते. मात्र, काही लोकांना सूचनांचं पालन करता येत नाही.सूचना देऊनही ते निर्धास्तपणे रूळ ओलांडण्याचा प्रयत्न करतात. अशा परिस्थितीत अनेक वेळा लोक अपघातांचे बळीही ठरतात. रेल्वे स्थानकांवरही असेच दृश्य पाहायला मिळते. लोक एका प्लॅटफॉर्मवरून दुसऱ्या प्लॅटफॉर्मवर जाण्यासाठी ट्रॅक ओलांडू लागतात. असाच एक व्हिडिओ सध्या सोशल मीडियावर व्हायरल होत आहे.
वास्तविक, या व्हिडिओमध्ये एक व्यक्ती अशाच एका प्लॅटफॉर्मवरून दुसऱ्या प्लॅटफॉर्मवर जाण्यासाठी ट्रॅक ओलांडण्याचा प्रयत्न करत होता आणि थोडक्यात बचावला होता.
एका सेकंदाच्या विलंबानेही त्याचा जीव जाऊ शकला असता. व्हिडिओमध्ये आपण पाहू शकता की, एक माणूस उडी मारून दोन रुळांमधील लोखंडी रेलिंग कसा पार करतो आणि नंतर ट्रॅक ओलांडून प्लॅटफॉर्मवर जाण्याचा प्रयत्न करतो, असं करताना त्याचा बूट ट्रॅकच्या मधोमध अडकतो आणि पायातून बाहेर पडतो, जो तो उचलतो आणि ट्रॅकपासून दूर जातो आणि नंतर तो पुन्हा ट्रॅक ओलांडण्यासाठी घालतो.
दरम्यान, एक ट्रेन तिथे पोहोचते, त्याआधीच ही व्यक्ती एकदम पटकन प्लॅटफॉर्मवर चढू लागते. अशा प्रकारे त्याचा जीव वाचतो.
हा व्हिडिओ सोशल मीडिया प्लॅटफॉर्म ट्विटरवर @Gulzar_sahab नावाच्या आयडीसह शेअर करण्यात आला असून कॅप्शनमध्ये लिहिले आहे की, ‘तुमच्या बुटांपेक्षा तुमच्या आयुष्याची किंमत जास्त आहे, शूजची किंमत काय आहे, हे पुन्हा बाजारात सापडेल, पण तुमचा जीव पुन्हा सापडणार नाही’.
आपके जूते से ज्यादा आपकी जान की क़ीमत है, जुतों का क्या है वो तो बाजार में दोबारा मिल जाएगा पर आपकी जान दोबारा नहीं मिलेगी ?❤️ pic.twitter.com/u48ZhXTooN
— ज़िन्दगी गुलज़ार है ! (@Gulzar_sahab) November 14, 2022
22 सेकंदाचा हा व्हिडिओ आतापर्यंत ३२ हजारांहून अधिक वेळा पाहिला गेला आहे, तर शेकडो लोकांनीही हा व्हिडिओ लाइक करत विविध प्रतिक्रिया दिल्या आहेत. एका युझरने रागारागाने लिहिले, ‘त्याच बुटाने मारा’, तर दुसऱ्या एका युझरने लिहिले, ‘वाढत्या वयानुसार काम न करणे हे लोकांच्या बुद्धिमत्तेसाठी सामान्य आहे’. त्याचप्रमाणे इतरही अनेक युझर्सनी विविध कमेंट्स केल्या आहेत.