Viral Video : हवेची ताकद पहा काय असते, रोडवर धावणारा ट्रक झटक्यात पलटला Video

Truck overturns

माणूस कितीही ताकदवान बनला, तरी तो निर्सगापेक्षा शक्तीशाली बनू शकत नाही. निर्सगाला जग बदलण्यासाठी एक क्षणही पुरेसा असतो. अनेकदा हे दिसूनही आलय. सोशल मीडियावर सध्या असाच थक्क करुन सोडणारा व्हिडिओ व्हायरल झालाय. वेगाने वाहणाऱ्या वाऱ्याच्या रौद्ररुपामुळे रस्त्यावरुन धावणारा भलामोठा ट्रक एकाबाजूला कलंडून पलटी होताना दिसतोय. निर्सगाच्या शक्तीसमोर माणूस, मशीन किती कमकुवत आहे, त्याचं हे उदहारण आहे.

व्हिडिओची सुरुवात एका रोडवरुन होते. यात एकाबाजूने गाड्या जाताना दिसतात तर दुसऱ्याबाजूने गाड्या येताना दिसतात. सुरुवातीला सर्वकाही सामान्य वाटतं. पण काही सेकंदानंतर जे दिसतं, त्याने सगळ्यांनाच धक्का बसतो. एक ट्रक रस्त्यावरुन धावताना डगमगतो मग अचानक पलटी होतो. वेगाने वाहणाऱ्या वाऱ्यामुळे हे सर्व झाल्याचा दावा केला जातोय. टेक्सासच्या डुमास येथे वेगाने वारे वाहत होते. हवेचा वेग जवळपास 30 ते 40 मैल प्रतितास होता. त्यामुळे ट्रक धावत असताना अचानक पलटी झाला.

‘कारला काही झालं नाही, पण ट्रक पलटी झाला’

हा चक्रावून टाकणारा व्हिडिओ सोशल मिडिया प्लॅटफॉर्म एक्सवरुन @dineshdangi84 नावाच्या आयडीवरुन शेअर करण्यात आलाय. त्याच्या कॅप्शनमध्ये लिहिलय की, ‘टेक्सास डुमासममध्ये वेगवान हवेमुळे एक ट्रक पलटी झाला. हवेचा वेग ताशी 30 ते 40 मैल प्रतितास होता. 1 मिनिट 10 सेकंदांचा हा व्हिडिओ आतापर्यंत 1 लाख 76 हजारपेक्षा अधिकवेळा पाहण्यात आलाय. शेकडो लोकांनी व्हिडिओला लाईक केलय. यावर वेगवेगळ्या प्रतिक्रिया दिल्या आहेत. काही लोकांनी म्हटलय की, ‘कमालीची गोष्ट आहे, कारला काही झालं नाही, पण ट्रक पलटी झाला’