सरकारी अधिकाऱ्यावर “भुंकून” आंदोलन! कागदपत्रात असा काही घोळ झाला की या माणसाने आंदोलनच भुंकून केलं, Video
या 45 सेकंदाच्या व्हिडिओमध्ये हा माणूस सरकारी अधिकाऱ्यांना कागदपत्र देतोय. हा अधिकारी गाडीत बसलेला आहे. कागदपत्र देताना हा माणूस कुत्र्यासारखा जोरजोरात भुंकताना दिसत आहे.
भारतात जितक्या पद्धतीचे आंदोलनं पाहायला मिळतील तितके तुम्हाला बाहेर कधीच असे आंदोलनं पाहायला मिळणार नाहीत. निषेध, आंदोलन, मोर्चे काढताना भारतीय लोक त्यातही आपली क्रिएटिव्हिटी दाखवतात. आता हे आंदोलन बघा. हा माणूस सरकारी अधिकाऱ्यावर भुंकलाय. त्याने बीडीओ वर भुंकून आंदोलन केलंय. का? कारण त्याचं आडनाव एका कागदपत्रात “दत्ता” ऐवजी “कुत्ता” झालंय म्हणून! होय.
पश्चिम बंगालच्या बांकुरा जिल्ह्यातील व्यक्तीने एका स्थानिक ब्लॉक डेव्हलपमेंट ऑफिसर विरोधात (बीडीओ) भुंकून आंदोलन केले. त्याचं रेशन कार्डवरील आडनाव ‘दत्ता’ ऐवजी ‘कुत्ता’ असं लिहिण्यात आलंय. हा व्हिडीओ प्रचंड प्रमाणात शेअर करण्यात आलाय.
या 45 सेकंदाच्या व्हिडिओमध्ये हा माणूस सरकारी अधिकाऱ्यांना कागदपत्र देतोय. हा अधिकारी गाडीत बसलेला आहे. कागदपत्र देताना हा माणूस कुत्र्यासारखा जोरजोरात भुंकताना दिसत आहे.
क्या गज़ब का प्रोटेस्ट है!
राशन कार्ड में सरनेम ‘दत्ता’ (Dutta) की जगह ‘कुत्ता’ (Kutta) लिख दिया तो दत्ता साहब ने कुत्ते की आवाज़ निकाल कर अधिकारी को घेरा! ?
— Umashankar Singh उमाशंकर सिंह (@umashankarsingh) November 19, 2022
पूर्ण स्लीव्ह शर्ट आणि पँट परिधान केलेल्या या व्यक्तीला संपूर्ण व्हिडिओमध्ये एकही शब्द उच्चारताना ऐकू येत नाही.
तो कारच्या खिडकीच्या बाजूला उभा आहे आणि बीडीओला कागदपत्रे दाखवताना दिसत आहे. तो अधिकारी दुसऱ्या व्यक्तीकडे ही कागदपत्रे सोपवतो. हिंदुस्थान टाईम्सने या संदर्भातली बातमी दिलीये.
एचटीने मिळवलेल्या रेशन कार्डच्या स्नॅपशॉटमध्ये त्या व्यक्तीचे नाव ‘दत्ता’ आडनावाऐवजी ‘श्रीकांती कुमार कुट्टा’ असे लिहिले आहे.
Kutta instead Dutta
रिपोर्ट्सनुसार, या व्यक्तीने बांकुरा प्रशासनाच्या मदतीने अनेक वेळा आडनाव बदलण्याचा प्रयत्न केला पण प्रत्येक वेळी तो अयशस्वी ठरला.
श्रीकांती यांनी एएनआयला सांगितले की, त्यांनी आपल्या रेशन कार्डवर आपले आडनाव दुरुस्त करण्यासाठी तीन वेळा अर्ज केला होता.
“तिसऱ्यांदा माझे नाव श्रीकांती दत्ताऐवजी श्रीकांती कुत्ता असे लिहिले गेले. यामुळे मी मानसिकरित्या व्यथित झालो होतो,” असं ते म्हणतात.
ते पुढे म्हणाले की, शुक्रवारी, ते पुन्हा दुरुस्तीसाठी अर्ज करण्यासाठी गेले होते आणि “तेथे संयुक्त बीडीओ पाहून, मी त्याच्यासमोर कुत्र्यासारखे भुंकू लागलो”.
“आमच्यासारखे सामान्य लोक किती वेळा काम सोडून दुरुस्तीसाठी अर्ज करायला जातील?” श्रीकांतने विचारले.
