Video: लहान मुलं काय करतील सांगता येत नाही, लग्नाला जाण्यासाठी थेट सांगितलं ते कारण, ऐकून तुम्हीही अचंबीत व्हाल
सध्या सोशल मीडियावर एक लहान मुलाचा व्हिडीओ तुफान व्हायरल होत आहे. या व्हिडीओमध्ये तो मुलगा शिक्षिकेकडे लग्नाला जाण्यासाठी सुट्टी मागत असतो. हा निरागस व्हिडीओ अनेकांच्या मनावर राज्य करत आहे.
क्लासरूममध्ये सर्व काही नेहमीप्रमाणे चालू होते… पुस्तके उघडी होती, मुले आपापल्या जागी बसली होती. तेवढ्यात एकदम हळू आवाज आला आणि संपूर्ण वातावरण बदलून गेले. विषय होता छुट्टीचा… कारण घरात होते लग्न… आणि त्यासाठी शिक्षिकेकडे विद्यार्थ्याने केलेली मागणी पाहून तुम्हालाही हसू येईल. हा निरागस व्हिडीओ तुम्ही एकदा नक्की पाहा… सोशल मीडियावर हा व्हायरल झालेला व्हिडीओ सध्या चर्चेचा विषय ठरत आहे.
लग्नाला का जायचे आहे?
व्हायरल व्हिडीओमध्ये राघव नावाच छोटा मुलगा आपल्या टीचरला लग्नाला जाऊ देण्याची विनंती करताना दिसतो. टीचर मजेशीर अंदाजात त्याला विचारते, “लग्नाला गेलास तर अभ्यास कसा करणार? जाणे खरंच आवश्यक आहे का?” सुरुवातीला राघव वेगवेगळी कारणे सांगतो. कधी म्हणतो की पुस्तके सोबत घेऊन जाईन, कधी म्हणतो की लवकर परत येईन. पण नंतर निरागसपणे बोलतो, “कार्डमध्ये माझे नाव आहे, म्हणून जावं लागेल.” हेच एक वाक्य सोशल मीडियावर तुफान व्हायरल झाले आहे. मुलाच्या साधेपणाने आणि मनापासून निघालेल्या शब्दांमुळे सर्वांचे मन जिंकले आहे.
टीचर आणि मुलाचे प्रेमळ नाते
व्हिडीओमध्ये पुढे राघव थोडा भावुक होऊन रडायला लागतो. तेव्हा टीचर त्याला प्रेमाने समजावते की ती फक्त मस्करी करत होती. हा क्षण अतिशय हृदयस्पर्शी आहे. या व्हायरल व्हिडीओने पुन्हा एकदा आठवण करून दिली की, प्राथमिक वर्गात टीचर फक्त शिकवणाऱ्या नसतात, तर मुलांसाठी मार्गदर्शक, मित्र आणि कधीकधी आईसारख्या असतात.
इंस्टाग्रामवर @vishakhagautam46 या अकाउंटवरून शेअर केलेल्या या व्हिडीओला 13 मिलियनपेक्षा जास्त व्ह्यूज आणि लाखो लाइक्स मिळाले आहेत. लोक कमेंटमध्ये राघववर भरभरून प्रेम व्यक्त करत आहेत. आजच्या काळात जिथे सोशल मीडियावर नेहमी सनसनी असते, तिथे असा निरागस व्हिडीओ लोकांना माणुसकी आणि साधेपणाची आठवण करून देतो. राघवच्या एका ओळीने सांगितले की, मुलांची दुनिया किती स्वच्छ आणि खरी असते. हा व्हिडीओ फक्त लग्नाची जिद नाही, तर निरागसतेचे उत्तम उदाहरण आहे. कदाचित याच साधेपणामुळे लोक वारंवार तो पाहत आहेत.
