गौतमी पाटीलचं राधा पाटीलसोबतच्या वादावर मोठं विधान, ऐकून चाहते काय तुम्ही देखील कराल कौतुक
संपूर्ण महाराष्ट्राला आपल्या अदांनी वेड लावणाऱ्या गौतमी आणि राधा पाटील यांच्यामधील वादावर मोठ्या प्रमाणात चर्चा सुरु आहे. अशातच आता गौतमीने यावर आपली प्रतिक्रिया दिली आहे.
संपूर्ण महाराष्ट्रात सध्या लावणी आणि डान्सचा जबरदस्त तडका पाहायला मिळतो आहे. गावांमध्ये आणि शहरांमध्ये मोठ्या प्रमाणात डान्सचे कार्यक्रम होताना दिसत आहेत. यामधील डान्सरच्या अदाकारीवर तरुणाई फिदा झाली आहे.
मात्र, या ग्लॅमरस दुनियेत सध्या दोन लोकप्रिय नावांमध्ये तणावाचं वातावरण निर्माण झालं आहे. ही दोन नावं म्हणजे गौतमी पाटील आणि राधा पाटील मुंबईकर. या दोघींचे चाहते मोठ्या संख्येने आहेत.
स्टेजवर त्यांच्या परफॉर्मन्सला मिळणारी दाद, सोशल मीडियावर होणारी चर्चा आणि चाहत्यांची क्रेझ यामुळे त्या नेहमीच चर्चेत असतात. पण आता त्यांच्या पडद्यामागच्या वादाची चर्चा उघडपणे सुरू झाली आहे.
अलीकडेच एका मराठी पॉडकास्टमध्ये गौतमी पाटील सहभागी झाली होती. यावेळी तिला थेट प्रश्न विचारण्यात आला की, 'आम्ही ऐकलंय की राधा पाटीलचं तुझ्यावर खूप प्रेम आहे?' यावर गौतमीने हसत पण अत्यंत शांतपणे उत्तर दिलं. ती म्हणाली, 'हो, खूपच जास्त प्रेम आहे तिचं माझ्यावर! असू दे… चांगली गोष्ट आहे.
मी नेहमी एकच गोष्ट फॉलो करते – माझ्याबद्दल कोणी काहीही बोललं तरी मला फरक पडत नाही. एका कानाने ऐकायचं आणि दुसऱ्या कानाने सोडून द्यायचं.
शेवटी काय, आपलीच आहे ती! गौतमीचं हे संयमी आणि आत्मविश्वासाने भरलेलं उत्तर चाहत्यांना विशेष भावलं असून सोशल मीडियावर तिचं कौतुक केलं जात आहे.
