21 तोळे सोनं, 71 लाख कॅश! प्रसिद्ध युट्यूबरने घेतलेला मोठा हुंडा, व्हिडीओ पाहून नेटकरी संतापले!

सध्याच्या डिजिटल विश्वास यूट्यूबर्सने स्वतचे स्थान प्रस्थापित केले आहे. अनेक यूट्यूबर प्रचंड लोकप्रिय असल्याचे पाहायला पाहायला मिळते. सध्या अशाच एका यूट्यूबरची चांगलीच चर्चा रंगली आहे. एका यूट्यूबरला हुंडा म्हणून 71 लाख रुपये आणि 21 तोळे सोने देण्यात आले होते. असा दावा केला जात आहे की यूट्यूबरने हे सर्व हुंडा म्हणून मागितले आहे. आता हा यूट्यूबर कोण आहे? त्याचं नाव काय आहे? असा प्रश्न अनेकांना पडला आहे.

नेमकं प्रकरण काय?

भारतीय यूट्यूबर अरुण पंवार यांनी लग्नात मोठ्या प्रमाणात हुंडा घेतल्याचा दावा केला जात आहे. या यूट्यूबरचे लग्न २०२५ च्या शेवटी झाले होते. त्यांच्या लग्नातील एक व्हिडीओ नुकताच सोशल मीडियावर व्हायरल झाला आहे. त्यात दिसते की अरुण यांनी ‘हुंडा’ म्हणून इतकी मोठी रक्कम आणि सोने घेतले आहे. हा व्हिडीओ व्हायरल झाल्यानंतर सोशल मीडियावर नेटिझन्सनी या यूट्यूबरवर जोरदार टीका सुरू केली आहे. हुंडा प्रतिबंधक कायदा १९६१ नुसार भारतात हुंडा प्रथा बेकायदेशीर आहे. प्रश्न उपस्थित होत आहे की एक यूट्यूबर लग्नात इतकी मोठी रक्कम हुंडा म्हणून कशी घेऊ शकतो आणि तेही सोशल मीडियावर प्रदर्शित कसे करू शकतो?

दावा केला जात आहे की अरुण पंवार यूट्यूब चॅनेलवरून दरमहा सुमारे २० ते २५ लाख रुपये कमावतात. त्यांच्या यूट्यूब चॅनेलवर २.४ मिलियनपेक्षा जास्त सबस्क्रायबर्स आहेत. तरीही अरुण यांनी दावा केला आहे की लग्नात ‘दान’ म्हणून त्यांना ७१ लाख रुपये रोख आणि २१ तोळे सोने मिळाले. पण नेटिझन्स हे तर्क मानण्यास तयार नाहीत.

२१व्या शतकातही हुंडा? – यूजर्स संतापले

बहुतांश नेटिझन्स म्हणतात की २१व्या शतकातही कोणी हुंडा घेतला हे अविश्वसनीय आहे. यूट्यूबरकडून या व्हिडीओबाबत अद्याप कोणतेही स्पष्टीकरण आलेले नाही. मात्र सोशल मीडियावर त्यांच्या कृत्याबाबत चांगलीच चर्चा रंगली आहे. अनेकांनी त्यांना ट्रोल करण्यास सुरुवात केली आहे.

हुंडा प्रथा भारतात अजूनही मोठ्या प्रमाणात प्रचलित आहे आणि ती वेळोवेळी गंभीर घटनांमुळे समोर येते. अनेक प्रकरणांमध्ये लग्नानंतर काही वर्षांनी पत्नीचा मृत्यू होतो. अशा घटनांमध्ये बहुतेक वेळा मृताच्या कुटुंबाकडून आरोप केला जातो की सासरच्यांकडून रोज हुंड्याची मागणी केली जात होती. काही प्रकरणांमध्ये सासरच्यांवर मुलीला मारण्याचा आरोप होतो. काही ठिकाणी अनेक महिला अत्याचार सहन न करता आत्महत्या करतात.