Reality Check : एकाच घरात 38 मतदार! खरं की खोटं? ठाकरेंच्या ‘त्या’ आरोपानंतर वरळी मतदारसंघात tv9 कडून रिअ‍ॅलिटी चेक

आदित्य ठाकरे यांनी वरळी मतदारसंघातील मतदार यादीतील गंभीर अनियमितता उघड केल्याचा दावा केला आहे. निवडणूक आयोगावर प्रश्नचिन्ह उपस्थित करत, ठाकरे यांनी  एका लहानशा घरात 38 मतदार राहत असल्याचे दाखवल्याचा आरोप केला आहे. आदित्य ठाकरे यांच्या मते, 10×10 फुटांपेक्षा कमी असलेल्या या घरामध्ये इतके मतदार दाखवणे हे मतदार याद्यांमधील मोठ्या घोळाचे प्रतीक आहे. या आरोपांची सत्यता पडताळण्यासाठी TV9 मराठीने घटनास्थळी भेट दिली.

आदित्य ठाकरे यांनी दाखवलेल्या व्हिडिओतील घराच्या भिंतीवर ‘GS 008’ हा क्रमांक आढळला. येथील भाडेकरूंनी बोलण्यास नकार दिला, परंतु ते गेल्या काही महिन्यांपासून येथे भाड्याने राहत असून घराचे मूळ मालक या ठिकाणी राहत नसल्याचे त्यांनी सांगितले. आदित्य ठाकरे यांनी मुंबईतील मतदार याद्यांमध्ये मोठ्या प्रमाणात घोळ असल्याचा आणि विशेषतः वरळी मतदारसंघात असे अनेक पुरावे असल्याचा दावा केला आहे.