ST Employee Strike | एसटी महामंडळाकडून कारवाईचा बडगा सुरुच, दिवसभरात 1 हजार 88 कर्मचाऱ्यांचं निलंबन

विलीनीकरणावर ठाम राहिलेल्या कर्मचाऱ्यांवर एसटी महामंडळाकडून निलंबनाची कारवाई सुरू आहे. आज दिवसभरात 1 हजार 88 कर्मचाऱ्यांच निलंबन केल्याचं समोर आलंय. ही सर्वात मोठी निलंबनाची कारवाई आहे.  फक्त निलंबनच नाही तर एसटी कर्मचाऱ्यांवर सेवा समाप्तीची कारवाईही करण्यात येत आहे. दिवसभरात 254 जणांवर सेवा समाप्तीची कारवाई करण्यात आलीय. त्यामुळे एसटी कर्मचाऱ्यांच्या अडचणी आणखी वाढल्या आहेत. एसटी कर्मचाऱ्यांच्या निलंबनाचा आकडा खूप वाढला आहे.  आतापर्यंत तब्बल 7 हजार 585 कर्मचाऱ्यांच निलंबन केल्याचं समोर आलं आहे. सेवा समाप्ततीची कारवाई झालेल्या कर्मचाऱ्यांचा आकडाही मोठा आहे. आतापर्यंत एकूण 1 हजार 779 कर्मचाऱ्यांवर सेवा समाप्तीची कारवाई केल्याची माहिती एसटी महामंडळाकडून देण्यात आली आहे. त्यामुळे एसटी कर्मचाऱ्यांची डोकेदुखी वाढली आहे.