अभिनेता अरमान कोहलीच्या अडचणी काही कमी होताना दिसत नाहीयत. एनडीपीएस प्रकरणात मुंबई उच्च न्यायालयाने अरमानला जामीन नाकारला आहे. अरमान ऑगस्ट 2021 पासून न्यायालयीन कोठडीत आहे. अरमानला जेव्हा अटक करण्यात आली तेव्हा एनसीबीने सांगितले की, अरमानवर ड्रग्ज सेवनाचे अनेक मोठे आरोप आहेत. एनसीबीने अरमानला अटक करण्यापूर्वी त्याच्या घरावर छापा टाकला होता आणि त्यादरम्यान त्याच्या घरी काही प्रमाणात ड्रग्ज सापडले होते.
चौकशीदरम्यान अभिनेत्याला याबाबत विचारले असता, त्याने कोणतेही स्पष्ट उत्तर दिले नाही. चौकशीनंतर एनसीबीच्या अधिकाऱ्यांनी त्याला त्यांच्या कार्यालयात नेले आणि त्यानंतर त्याला अटक करण्यात आली.