अजितदादांच्या दुर्घटनेच्या चौकशीच्या मागणीसाठी गावाची गावबंद हाक

बारामती तालुक्यातील लोणी भापकर गावाने आज दिवंगत उपमुख्यमंत्री अजित पवार यांच्या कथित विमान दुर्घटनेच्या सखोल चौकशीची मागणी करत गावबंद पुकारला आहे. गावातील सर्व ग्रामस्थ स्वयंस्फूर्तीने मुख्य चौकात जमा झाले होते. ग्रामस्थांच्या मते, 28 जानेवारी रोजी अजित पवारांचे निधन अपघाती नसून, तो घातपात आहे. वृत्तवाहिन्यांवरील बातम्यांमुळे त्यांच्या मनात हा दाट संशय बळावला आहे.

ग्रामस्थांनी सरकारकडे मागणी केली आहे की, देवगिरी ते विमानतळापर्यंतचे सर्व सीसीटीव्ही फुटेज सार्वजनिक करावेत आणि ब्लॅक बॉक्समधील माहिती जनतेसमोर मांडावी. हा अपघात नसून घातपात असल्याची शंका असल्याने, या प्रकरणाची सखोल चौकशी करून सत्य समोर यावे, अशी त्यांची मागणी आहे. न्याय मिळेपर्यंत लोणी भापकर गाव बंद ठेवण्यात येणार असून, बारामती तालुक्यातील इतर गावांनाही या आंदोलनात सहभागी होण्याचे आवाहन करण्यात आले आहे. बलुतेदार संघटनेनेही या मागणीला पाठिंबा दर्शवला आहे.