Baramati People Reaction : पुणे आणि बारामतीची पोकळी भरू शकत नाही; नागरिकांनी व्यक्त केल्या भावना

राष्ट्रवादी काँग्रेसचे नेते अजित पवार यांच्या निधनाने बारामतीसह संपूर्ण महाराष्ट्रात शोककळा पसरली आहे. नागरिकांनी त्यांच्या कार्याला उजाळा देत, दादा यांच्या जाण्याने मोठी पोकळी निर्माण झाल्याची भावना व्यक्त केली. दादांनी कधीही जातीपातीचे राजकारण केले नाही, अशी प्रतिक्रिया एका नागरिकाने दिली. त्यांनी गोरगरीब जनतेसाठी आणि लाडक्या बहिणींसाठी मोठे काम केल्याचे नागरिक सांगतात.

बारामती, धाराशिव जिल्ह्यातील उमरगा तालुक्यासह विविध ठिकाणांहून आलेल्या नागरिकांनी अजित पवारांच्या विकासकामांचे कौतुक केले. शेतकऱ्यांच्या ऊसाला चांगला भाव मिळवून देण्यासाठी त्यांनी केलेल्या प्रयत्नांचीही आठवण करून दिली. त्यांच्या निधनाने महाराष्ट्राने एक “वाघ” गमावला असून, ही पोकळी कधीच भरून निघणार नाही, असे मत नागरिकांनी व्यक्त केले.