Ajit Pawar : अजित पवारांच्या विमान दुर्घटनेचं गूढ उलगडणार? अपघात की घातपात याचा अहवाल महिनाभरातच; AAIBचं आश्वासन

अजित पवार यांच्या प्रकरणाची चौकशी पूर्ण करून AAIB (Aircraft Accident Investigation Bureau – विमान अपघात तपास संस्था) महिनाभरात अहवाल सादर करणार आहे. इंडिया अगेन्स्ट करप्शनचे अध्यक्ष हेमंत पाटील यांनी या संदर्भात AAIB च्या महासंचालकांची भेट घेतली, त्यानंतर त्यांना हे आश्वासन मिळाले आहे. पाटील यांनी सांगितले की, पाच-सहा महिन्यांपूर्वी दाखल केलेल्या तक्रारीवर कोणताही प्रतिसाद न मिळाल्याने त्यांनी AAIB च्या डीजींशी चर्चा केली.

या चर्चेदरम्यान, AAIB अधिकाऱ्यांनी तपास पूर्णपणे योग्य रीतीने सुरू असून तो एका महिन्यात पूर्ण होईल, असे सांगितले. अजित पवार यांच्यावर घडलेला प्रसंग अपघात होता की घातपात, या संदर्भातला अहवाल एका महिन्यात जाहीर केला जाईल आणि हेमंत पाटील यांच्या तक्रारीचे उत्तर दिले जाईल, असेही AAIB ने स्पष्ट केले. जर महिनाभरात हा अहवाल मिळाला नाही, तर पाटील यांनी पुन्हा उच्च न्यायालयात दाद मागण्याचा इशारा दिला आहे. महाराष्ट्राच्या राजकारणात या प्रकरणाकडे अनेकांचे लक्ष लागून राहिले आहे.