Mlegaon Sakhar Karkhana Result : अजितदादांच्या पॅनलचे आणखी 2 उमेदवार विजयी

माळेगाव साखर कारखाना निवडणूक मतमोजणीत उपमुख्यमंत्री अजित पवार यांच्या निळकंठेश्वर पॅनलच्या आणखी 2 उमेदवारांचा विजय झाला आहे. नितीन शेंडे आणि विलास देवकाते यांचा विजय झाला आहे. यापूर्वी काल रतनकुमार भोसले यांचा देखील विजय झालेला होता. त्यामुळे आतापर्यंत खुद्द अजित पवार आणि त्यांच्या 3 उमेदवारांचा विजय झालेला असून अजित पवारांचं पॅनल आघाडीवर असल्याचं बघायला मिळत आहे.

दरम्यान, बारामती तालुक्यातील माळेगाव सहकारी साखर कारखान्याची मतमोजणी काल सकाळी नऊ वाजल्यापासून सुरू आहे अद्याप देखील ही मतमोजणी सुरूच आहे. आता तब्बल या मतमोजणीला 22 तास ओलांडले आहेत. विशेष म्हणजे पहिली फेरीचे मतमोजणीची प्रक्रिया ही जवळपास पहाटेच्या सुमारास संपली. माळेगाव सहकारी साखर कारखान्यासाठी 22 जून रोजी मतदान पार पडले होते. दरम्यान, आज मतमोजणी पूर्ण होऊन अध्यक्षपदाची माळ कोणाच्या गळ्यात पडणार याची घोषणा होण्याची शक्यता आहे.