नागपूर : वंचित बहुजन आघाडीचे नेते प्रकाश आंबेडकर उद्धव ठाकरे यांच्यासोबत युतीत असले तरी ते वारंवार राष्ट्रवादी काँग्रेवर टीका करत असतात. कालच्या आपल्या भाषणात त्यांनी राष्ट्रवादी काँग्रेस पक्ष हा सेक्यूलर पक्ष असल्याची टीका केली होती. प्रकाश आंबेडकर यांच्या टीकेवर विरोधी पक्षनेते अजित पवार यांनी उत्तर दिलं आहे. “आमच्याबाबत प्रकाश आंबेडकर यांची नेहमीच अशी मतं राहिली आहेत. मागेही आम्ही त्यांच्यासोबत आघाडी करण्याचा प्रयत्न केला पण त्यात यश आलं नाही. त्यांचं आमच्या पक्षाबदलचं मत वेगळं आहे, हे आम्हाला कळले आहे. आम्ही उद्धव ठाकरे यांना सांगितलं तुम्हाला वंचितसोबत युती करायची असेल तर करा”, आम्ही तुमच्यासोबत आहोत, असं अजित पवार म्हणाले.