Ajit Pawar : इथून पुढं ताई अन् दादा एकत्र येणार? पत्रकारांच्या प्रश्नावर अजित पवार बघा काय म्हणाले?

उपमुख्यमंत्री अजित पवार यांनी पुणे शहरासाठी मोफत मेट्रो आणि बस प्रवासाची महत्त्वपूर्ण घोषणा केली आहे. या योजनेमुळे नागरिकांना प्रवासासाठी कोणताही खर्च येणार नाही. पुणे शहरातील वाहतूक कोंडी आणि वाढत्या प्रदूषणावर नियंत्रण मिळवण्यासाठी हा निर्णय उपयुक्त ठरेल, असा विश्वास अजित पवार यांनी व्यक्त केला. मोफत प्रवासाच्या घोषणेमुळे सार्वजनिक वाहतूक व्यवस्थेचा वापर वाढेल आणि रस्त्यांवरील खासगी वाहनांची गर्दी कमी होण्यास मदत होईल, असे ते म्हणाले. या योजनेची आर्थिक व्यवहार्यता स्पष्ट करताना अजित पवार यांनी सांगितले की, सध्या तिकिटापोटी दरमहा ३० कोटी रुपये आणि एकूण ९०० कोटी रुपयांचा खर्च होतो. या तुलनेत मोफत प्रवासासाठी ३०० कोटी रुपये आवश्यक आहेत. इंधन, मनुष्यबळ आणि वेळेच्या बचतीमुळे १० हजार कोटी रुपयांचे नुकसान टाळता येईल. ताई आणि दादा यांच्या संभाव्य राजकीय आघाडीबाबत विचारले असता, अजित पवार यांनी “थांबा आणि पाहा” अशी प्रतिक्रिया दिली.