केंद्रीय गृहमंत्री अमित शाह मुंबई दौऱ्यावर; नेमकं कारणही आलं समोर

केंद्रीय गृहमंत्री अमित शाह आज मुंबईच्या दौऱ्यावर आहेत. ते एका कौटुंबिक कार्यक्रमाच्या निमित्ताने मुंबईत आले असून, त्यांचा हा दौरा पूर्णपणे कौटुंबिक स्वरूपाचा आहे. कोणतीही राजकीय भेट किंवा कार्यक्रमाची माहिती देण्यात आलेली नाही. मिळालेल्या माहितीनुसार, अमित शाह वीर भवन येथे आयोजित करण्यात आलेल्या या कौटुंबिक कार्यक्रमाला दुपारी १ वाजता हजेरी लावतील.

कुटुंबातील सदस्यांसोबत काही वेळ घालवून ते या कार्यक्रमात सहभागी होतील. यानंतर, दुपारी साधारण अडीच वाजता अमित शाह दिल्लीकडे रवाना होतील. त्यांचा हा मुंबई दौरा अत्यंत संक्षिप्त आणि कौटुंबिक कारणांसाठी असल्याचे स्पष्ट करण्यात आले आहे. या दौऱ्यामुळे राजकीय वर्तुळात मात्र चर्चांना उधाण आले आहे.