Amit Thackeray : मराठवाड्याच्या पुढच्या पिढीला दुष्काळ पाहू देणार नाही म्हणालात! फडणवीसांचा जुना VIDEO दाखवत अमित ठाकरेंचा सवाल

अमित ठाकरे यांनी पत्रकार परिषदेत उपमुख्यमंत्री देवेंद्र फडणवीस यांचा एक जुना व्हिडिओ प्रदर्शित करत मराठवाड्यातील दुष्काळ परिस्थितीवर लक्ष वेधले. या व्हिडिओमध्ये फडणवीस यांनी 13 वेळा असे म्हटले होते की, “मराठवाड्याच्या पुढच्या पिढीला दुष्काळ पाहू देणार नाही.” ठाकरे यांनी या विधानाची आठवण करून देत, आतापर्यंत दुष्काळ जाहीर न झाल्याबद्दल प्रश्न उपस्थित केला.

ठाकरे यांनी सरकारकडे मराठवाड्यासाठी त्वरित दुष्काळ जाहीर करण्याची मागणी केली. त्यांनी असेही म्हटले की, फडणवीस व्यक्ती म्हणून त्यांना आवडतात आणि ते उत्तम काम करतात, पण सध्या दुष्काळाच्या संकटात सरकारची भूमिका स्पष्ट नाही. मंत्री लोकांना का भेटत नाहीत, असा सवालही त्यांनी केला. ऑपरेशन टायगरसारखे उपक्रम थांबवून मंत्र्यांनी जनतेच्या समस्यांवर लक्ष केंद्रित करावे, अशी त्यांची भूमिका होती. मराठवाड्यातील शेतकरी आणि जनतेला तात्काळ मदतीची अपेक्षा आहे.