औरंगाबाद : राज्यात एसटी कर्मचाऱ्यांचा संप सुरु आहे. बस गाड्या बंद असल्याने प्रवाशांची ओढाओढ करताना खाजगी वाहन चालकांची हाणामारी औरंगाबादमध्ये पाहायला मिळाली. एसटी बंद असल्याने प्रवाशांची गर्दी झाल्यानंतर गाडी खासगी प्रवासी वाहतूक करणाऱ्या वाहनचालकांमध्ये प्रवासी भरण्यावरून फ्री-स्टाईल हाणामारी झाली. औरंगाबाद मधील सिडको बस स्थानकाजवळ हा प्रकार घडला. दोन वाहनचालकांनी एकमेकांना मारहाण केल्यानंतर जवळील नागरिकांनी वाद मिटवला. बस बंद असल्याने प्रवाशांची हेळसांड तर दुसरीकडे खासगी वाहन चालकांचे वाद वाढले आहेत.