बारामती : शिवसेना ठाकरे गटाचे खासदार संजय राऊत यांना धमकी देण्यात आली आहे. त्यावर विधानसभेचे विरोधी पक्षनेते अजित पवार यांनी प्रतिक्रिया दिली आहे. “जर त्यांना धमकी आली असेल, तर त्यांनी रीतसर तक्रार दाखल करावी. पोलिसांनीही या प्रकरणाचा लवकरात लवकर तपास करावा. जनतेच प्रतिनिधित्व करणाऱ्यांना अशा प्रकारे धमकी आल्या तर लोकसभा आणि राज्यसभा याची नोंद घेत असते. याबाबतीत मी अधिक माहिती घेईन. संजय राऊत यांना मदत झाली आहे की नाही याची माहिती घेऊन त्यांना हवं ते सहकार्य करेल, असं अजित पवार म्हणाले आहेत. ते बारामतीत बोलत होते.