तरच मतदान करणार… बीडच्या केज तालुक्यातील नागरिकांचा मतदानावर बहिष्कार

आज लोकसभेच्या चौथ्या टप्प्यातील मतदान होत आहे. या चौथ्या टप्प्यात 11 जागांवर म्हणजेच नंदुरबार, जळगाव, रावेर, जालना, संभाजीनगर, मावळ, पुणे, शिरूर, नगर, शिर्डी, बीड या ठिकाणी मतदान होणार आहे. अशातच बीड जिल्ह्यातील केज तालुक्यातील मतदारांनी मतदान करणार नसल्याचा आक्रमक पवित्रा घेतला आहे. केज तालुक्यातील कोरडेवाडी गावातील नागरिकांनी मतदानावर बहिष्कार टाकला आहे. केज तालुक्यातील साठवण तलावाच्या प्रश्नावरून मतदारांनी हा बहिष्कार घातला आहे. बीड जिल्ह्यातील केज तालुक्यातील कोरडेवाडी गावात 2 हजार 130 मतदार आहेत. साठवण तलावाचा प्रश्न मार्गी लावा तरच मतदान करणार, असा ग्रामस्थांचा पवित्रा असल्याचे समोर आले आहे. त्यामुळे प्रशासन या मतदारांच्या मागणीवर कोणती भूमिका मांडणार? ग्रामस्थांची प्रश्न सोडवणार का? हे पाहणं महत्त्वाचं ठरणार आहे.