भंडारा : भंडाऱ्यामध्ये भाजीपाला वाहतूक करणाऱ्या पिकअपचा अपघात झालाय. भाजीपाला घेऊन जात असलेल्या बोलेरो पिकअपचा टायर फुटला अन् काही सेकंदात गाडी पलटी झाली. ही घटना भंडारा जिल्ह्याच्या लाखनी पोलिस स्टेशन हद्दीतील गडेगाव उड्डानपुलावर घडली आहे. या अपघातात तिघेजण गंभीर जखमी झाले आहेत. जखमींना उपचारासाठी ग्रामीण रुग्णालय लाखनी इथे भरती करण्यात आलं आहे. तर महामार्गच्या मधोमध अपघात झाल्याने वाहतूक विस्कळीत झाली होती. स्थानिक नागरिकांच्या मदतीने अपघातग्रस्त वाहनाला रस्त्यावरून बाजूला करण्यात आलं. वाहतूक पुन्हा सुरळीत करण्यात आली आहे.