Bihar Election Results 2025 : ‘ही’ 5 कारणं ज्यामुळं बिहारमध्ये NDA ची पुन्हा हवा, विजयामागे PM मोदींचा करिश्मा

बिहार विधानसभा निवडणुकीच्या निकालांमध्ये एनडीएने स्पष्ट बहुमत मिळवत विजय संपादन केला आहे. आकडेवारीनुसार, एनडीए १९७ जागांवर आघाडीवर असून, महाआघाडी अवघ्या ३६ जागांवर सिमटली आहे. भाजप ९१ जागांसह सर्वात मोठा पक्ष ठरला आहे, तर जेडीयू ८१ जागांवर आघाडीवर आहे. आरजेडीला मोठा धक्का बसला असून, १४३ जागा लढवूनही त्यांना केवळ २७ जागांवर आघाडी घेता आली. काँग्रेसला केवळ चार जागांवर समाधान मानावे लागले.

या विजयामागे पंतप्रधान नरेंद्र मोदींचा करिश्मा, भाजपचे मायक्रो प्लॅनिंग आणि निवडणुकीपूर्वी १ कोटी ३० लाख महिलांच्या खात्यात प्रत्येकी १० हजार रुपये जमा करण्याची योजना महत्त्वपूर्ण ठरली. विकास आणि जातीय समीकरणावर विकासाचा नारा भारी पडल्याचे म्हटले जात आहे. केंद्रीय गृहमंत्री अमित शाह यांनी बंडखोरांना शांत करण्यात आणि जिल्हा पदाधिकाऱ्यांसोबत बैठका घेऊन सूक्ष्म नियोजन करण्यात महत्त्वाची भूमिका बजावली. तेजस्वी यादव राघवपूरमध्ये २,२८८ मतांनी पिछाडीवर असून, त्यांच्यासाठी हा मोठा धक्का मानला जात आहे.