बिहार निवडणूक 2025

बिहार विधानसभेचा कार्यकाळ नोव्हेंबरमध्ये पूर्ण होत असून निवडणुकांचा कार्यक्रमही जाहीर झाला आहे. एकीकडे मुख्यमंत्री नितीश कुमार यांचे नेतृत्व आहे, तर दुसरीकडे विरोधी पक्षनेते तेजस्वी यादव यांचे आव्हान आहे. मागील निवडणूक 2020 मध्ये झाली होती. या निवडणुकीत एनडीएने बहुमत मिळवले होते आणि नितीश कुमार पुन्हा मुख्यमंत्री झाले होते. यंदाही मुख्य सामना एनडीए आणि महागठबंधन यांच्यातच होणार असल्याचे मानले जात आहे. मात्र, यावेळी निवडणूक रणनितीकार ते नेते झालेल्या प्रशांत किशोर यांनी त्यांचा ‘जन सुराज’ पक्षही निवडणुकीच्या मैदानात उतरला आहे. 2020 च्या निवडणुकीत 243 पैकी एनडीएच्या खात्यात 126 जागा गेल्या, तर महागठबंधनला 110 जागा मिळाल्या. उर्वरित 8 जागांवर इतर पक्षांनी विजय मिळवला, ज्यामध्ये असदुद्दीन ओवैसी यांच्या AIMIM पक्षाला 5 जागा मिळाल्या होत्या. राष्ट्रीय जनता दल (RJD) ला सर्वाधिक 75 जागा मिळाल्या, तर भाजपला 74 जागा मिळाल्या आणि ती दुसऱ्या क्रमांकाची पार्टी ठरली. नितीश कुमार यांच्या जनता दल (युनायटेड) ला थोडा झटका बसला आणि त्यांना 43 जागांसह तिसरे स्थान मिळवले होते. त्यामुळे आताच्या निवडणुकीकडे संपूर्ण देशाचे लक्ष लागलं आहे.