Bihar Election Results 2025 : नितीश कुमारांच्या पारड्यात कौल, तेजस्वी यादवांना राघोपूरमध्ये कडवी झुंज

बिहार विधानसभा निवडणूक 2025 च्या निकालांचे चित्र स्पष्ट होत असून, एनडीएने मोठी आघाडी घेतली आहे. सद्यस्थितीत एनडीए 174 जागांवर आघाडीवर आहे, तर महाआघाडीला केवळ 62 जागांवर समाधान मानावे लागत आहे. एनडीएच्या या यशात जनता दल (युनायटेड) 78 जागांवर आणि भारतीय जनता पार्टी 75 जागांवर आघाडीवर आहे. याउलट, राष्ट्रीय जनता दल (आरजेडी) 45 जागांवर, काँग्रेस 7 जागांवर आणि डावे पक्ष 7 जागांवर आघाडीवर आहेत. आरजेडीचा हा निकाल लालू प्रसाद यादव यांच्या राजकारणासाठी एक मोठा धक्का मानला जात आहे.

राघोपूर मतदारसंघात भाजपचे उमेदवार सतीश कुमार यांनी तेजस्वी यादवांना कडवी टक्कर दिली आहे. दुसऱ्या फेरीअखेर तेजस्वी यादव अवघ्या 916 मतांनी आघाडीवर आहेत. हा लालू प्रसाद यादव यांच्या पारंपारिक मतदारसंघ असून, तेजस्वी यादवांचा एकहाती विजयाचा दावा फोल ठरताना दिसत आहे. मतदारांनी नितीश कुमारांवर पुन्हा विश्वास दाखवल्याचे या कलांवरून स्पष्ट होत आहे.