Bihar Election Results 2025 : ‘बिहार का मतलब नीतीश कुमार’, NDA ला बहुमत… जल्लोषासाठी कार्यकर्त्यांकडून All Set… मिठाईचे बॉक्स अन्..

बिहार विधानसभा निवडणुकीत राष्ट्रीय लोकशाही आघाडी (एनडीए) ने दणदणीत विजय मिळवत स्पष्ट बहुमत संपादन केले आहे. सध्याच्या आकडेवारीनुसार, एनडीए १८६ जागांवर आघाडीवर असून, यात भाजप ८४ तर जनता दल (युनायटेड) ७६ जागांवर पुढे आहे. दुसरीकडे, महागठबंधनला मोठा धक्का बसला असून, ते केवळ ४८ जागांवर आघाडीवर आहेत, ज्यात राष्ट्रीय जनता दलाला (आरजेडी) ३५ जागांवर समाधान मानावे लागले.

महागठबंधनाचे मुख्यमंत्रीपदाचे दावेदार तेजस्वी यादव स्वतःच्या राघूपुर मतदारसंघात सुमारे ३००० मतांनी पिछाडीवर असल्याने त्यांच्या हॅट्ट्रिकचे स्वप्न भंगले आहे. तसेच त्यांचे बंधू तेज प्रताप यादव हेही पिछाडीवर आहेत, ज्यामुळे लालू प्रसाद यादव यांच्या कुटुंबाला मोठा धक्का बसला आहे. नितीश कुमारांच्या नेतृत्वाखालील एनडीएच्या विजयामुळे बिहारमध्ये उत्सव साजरा होत असून, कार्यकर्ते लाडू वाटून आनंद व्यक्त करत आहेत. नितीश कुमार हेच बिहारचे नेतृत्व करत राहणार असे संकेत मिळत आहेत.