Bihar Election Results 2025 : NDAची ऐतिहासिक बहुमत मिळवणारी लाट, नितीश कुमारांच्या मुख्यमंत्रीपदावर सस्पेन्स

बिहार विधानसभा निवडणुकीत महाराष्ट्राप्रमाणेच विरोधकांना मोठा फटका बसला आहे. आरजेडी सर्वात मोठा पक्ष होईल, असे राजकीय पंडितांचे भाकीत होते, परंतु ते चुकीचे ठरले. सर्व विरोधकांच्या महाआघाडीला मिळून 40 जागाही मिळाल्या नाहीत, तर काँग्रेसने पराभवाचे खापर निवडणूक आयोगावर फोडले. भाजप आणि जेडीयूच्या नेतृत्वाखालील एनडीएने बिहारमध्ये ऐतिहासिक बहुमत मिळवले.

निकालांच्या सुरुवातीपासूनच नितीश कुमार यांच्या कार्यकर्त्यांनी जल्लोष सुरू केला होता. मात्र, मुख्यमंत्री नितीश कुमारच होणार की नाही, याबाबत सस्पेन्स निर्माण झाला आहे. भाजपचे नेते देवेंद्र फडणवीस आणि बिहारचे प्रभारी विनोद तावडे यांनी मुख्यमंत्रीपदाचा निर्णय केंद्रीय नेतृत्व घेईल, असे म्हटले आहे. भाजपने 90 जागा जिंकल्या, तर जेडीयूने 83 जागांवर विजय मिळवला. त्यामुळे, अधिक जागा जिंकूनही भाजप नितीश कुमारांना पुन्हा मुख्यमंत्रीपद देणार का, हा प्रश्न उपस्थित झाला आहे.