Mumbai BMC Election : मुंबई BMC निवडणुकीत भाजपचे युवा चेहरे, ‘या’ नव्या चेहऱ्यांना पक्षाकडून संधी

मुंबई बीएमसी निवडणुकीसाठी भाजपने युवा चेहऱ्यांवर विश्वास दर्शवत अनेक नव्या उमेदवारांना संधी दिली आहे. ही एक महत्त्वाची घडामोड मानली जात आहे. मानखुर्द शिवाजी नगरच्या प्रभाग क्रमांक १३५ मधून नवनाथ बन हे आपला अर्ज दाखल करणार आहेत. तर, वॉर्ड क्रमांक ४७ मधून तजिंदर सिंग तिवाना यांना निवडणुकीच्या रिंगणात उतरवण्यात आले आहे. माजी नगरसेवक शिवानंद शेट्टी यांना वॉर्ड क्रमांक ९ मधून पुन्हा उमेदवारी देण्यात आली आहे, तर माजी नगरसेवक जितेंद्र पटेल हे वॉर्ड क्रमांक १० मधून निवडणूक लढवणार आहेत. याशिवाय, मुलुंड पश्चिमच्या वॉर्ड क्रमांक १०७ मधून नील सोमय्या यांना उमेदवारी जाहीर करण्यात आली आहे. नील सोमय्या हे माजी खासदार किरीट सोमय्या यांचे पुत्र असून, ते दुपारी एक वाजता आपला उमेदवारी अर्ज दाखल करणार आहेत. भाजपने तरुण आणि अनुभवी चेहऱ्यांच्या मिश्रणातून बीएमसी निवडणुकीत उतरण्याचा निर्णय घेतला आहे.