Pradeep Purnekar Case : एकनाथ शिंदेंच्या निवासस्थानाबाहेर आंदोलनाआधीच राम पूर्णेकर ताब्यात; ठाण्यात खळबळ

ठाण्यातून मिळालेल्या माहितीनुसार, राम पूर्णेकर यांना नौपाडा पोलिसांनी ताब्यात घेतले आहे. उपमुख्यमंत्री एकनाथ शिंदे यांच्या निवासस्थानाबाहेर आंदोलन करण्यापूर्वीच ही कारवाई करण्यात आली. प्रदीप पूर्णेकर हत्या प्रकरणात न्याय मागण्यासाठी राम पूर्णेकर आज हे ठिय्या आंदोलन करणार होते. त्यांनी काल पत्रकार परिषदेत याची घोषणा केली होती आणि राजकीय हस्तक्षेपाचा आरोप केला होता.

या घटनेनंतर मनसे नेते अविनाश जाधव नौपाडा पोलीस ठाण्यात दाखल झाले आहेत. राम पूर्णेकर यांनी पोलिसांवर राजकीय दबावाखाली काम करत असल्याचा आरोप करत, मुख्य सूत्रधार मोकळे फिरत असल्याचे म्हटले होते. त्यांनी २४ तासांचा अल्टिमेटम दिला होता, मात्र पोलिसांनी आंदोलन करण्यापूर्वीच त्यांना ताब्यात घेतले. सध्या राम पूर्णेकर नौपाडा पोलीस ठाण्यात आहेत.