Breaking Updates : अमरावती शिक्षक मतदारसंघाच्या प्रत्यक्ष मतमोजणीला सुरुवात; शिंदे गटातील किरण सरनाईक आघाडीवर

अमरावती शिक्षक मतदारसंघाच्या मतमोजणीला आता प्रत्यक्ष सुरुवात झाली आहे. पहिल्या फेरीत शिंदे गटाचे आणि महायुतीचे उमेदवार किरण सरनाईक आघाडीवर असल्याची माहिती समोर आली आहे. काँग्रेसच्या आदिती पोहरे यांनी सरनाईक यांच्यासमोर मोठे आव्हान उभे केले होते, मात्र सुरुवातीच्या कलांनुसार सरनाईक यांनी आघाडी घेतली आहे. या निवडणुकीत ९२ टक्क्यांहून अधिक विक्रमी मतदान झाले होते.

मतमोजणीच्या पहिल्या टप्प्यात पसंती क्रमांकाची मते मोजली जात आहेत. महायुतीकडून किरण सरनाईक यांच्यासाठी आमदार रवी राणा आणि बच्चू कडू यांनी एकत्रितपणे प्रचार केला होता. अंतर्गत मतभेद विसरून त्यांनी सरनाईकांना पाठबळ दिले होते, ज्याचा फायदा त्यांना सध्या मिळत असल्याचे चित्र आहे. सध्या किरण सरनाईक आघाडीवर असले तरी, हा अंतिम निकाल नाही. मतमोजणीचे पुढील टप्पे अजून बाकी असून, विजयाचा गुलाल कोण उधळतो याकडे सर्वांचे लक्ष लागून राहिले आहे.