मुंबई : भाजप नेते किरीट सोमय्या यांनी 500 कोटी रूपयांच्या घोटाळ्याचा नवा बॉम्ब टाकत मोठा गोप्यस्फोट केला आहे. किरीट सोमय्या यांनी उद्धव ठाकरे यांच्या निकटवर्तीयांवर थेट 500 कोटी रुपयांच्या घोटाळ्याचा आरोप केलाय. या आरोपांमुळे एकच खळबळ उडाली आहे. “खासदार संजय राऊत यांचे पार्टनर सुजित पाटकर यांचे पार्टनर राजू चहावाला हे जेलमध्ये गेले. आता नंबर उद्धव ठाकरे यांच्या पार्टनरचा आहे. उद्धव ठाकरे यांचे पार्टनर रवींद्र वायकर यांनी आता तयारी करावी”, असा इशारा भाजप नेते किरीट सोमय्या यांनी दिला. “रवींद्र वायकर यांनी 500 कोटींचा फाईव्ह स्टार हॉटेल घोटाळा केला आहे”, असा गंभीर आरोप किरीट सोमय्या यांनी केला. तर संबंधित आरोपांप्रकरणी उद्धव ठाकरेंचे निकटवर्तीय जेलमध्ये जातील, असा दावाही किरीट सोमय्या यांनी केलाय.